احمد ضیا مسعود: مین 52 ملیون دالر نی دوبی ده ایلتمه گن من

Image caption مسعود جنابلری بوندن آلدین هم نیویارک تایمز تمانیدن ترقه تیلگن گزارش لر گه فساد گه قولی بارلیگی ایتیلگن

ویکی لیکس آخیر گی پیت لرده مینگ لب یاشیرینچ حجت لر نی افغانستان یوقاری مرتبه لی رسمی لری نینگ برابریده ترقه تگن.

ویکی لیکس تمانیدن نشر بولگن ینگی حجت لرگه ، افغانستان جمهور رییسی حامد کرزی بیلن قوشیمچه ، او نینگ قدیم کی اورین باسری احمد ضیا مسعود نی هم دوبی ده 52 ملیون امریکالیک دالر نینگ انتقال بیریشی نی اورغوله گن.

احمد ضیا مسعود جنابلری ویکی لیکس تمانیدن ترقه تیلگن اوشبو حجت لر نینگ ناتوغری دیشیب ، او کیشی هیچ بیر زمان مونچه پول نی اوزی بیلن دوبیده ایلتمه گنی اوستیگه تاکید قیلگن.

ویکی لیکس تمانیدن ، امریکا قوشمه ایالت لری نینگ مینگلب یاشیرینچ حجت لر ترقه تیلیشی خصوصیده ، دنیا بوییچه ، تورلی ، فکر و ملاحظه لر چیقماقده.

اوشبو یاشیرینچ حجت لر ، امریکا نینگ دیپلوماتیک مرجع لری تمانیدن ، بو اولکه تشقی ایش لر وزیر لیگیگه یوباریلگن.

امریکا قوشمه ایالت لری نینگ افغانستانده گی ایلچی خانه سی تمانیدن یوباریلگن یاشیرینچ حجت لرده ، افغانستان جمهور رییسی ، ضعیف بیر رهبر ایتیلگنی ، اونینگ اوکه سی ، مخدره ماده لر قاچاقیگه قولی بارلیگی ، شونگه اوخشه گن اونلب باشقه مهم مسئله لر فاش ایتیلگن.

ویکی لیکس سایتی ، افغانستان جمهور رییسی نینگ قدیم کی اورین باسری احمد ضیا مسعود ، 52 ملیون امریکالیک دالر نینگ عرب قوشمه بیرلیگیده ایلتگنینی هم ترقه تگن.

اما احمد ضیا مسعود ایسه ، اونگه قرته ، ترقه تیلگن اوشبو حجت نینگ رد قیلیب ، بو خصوصده هیچ قنده ی قولی یوق لیگی اوستیگه تاکید قیلدی.

افغانستان جمهور رییسی نینگ قدیم کی اورین باسری ، افغانستان حکومتی دن بو موضوع خصوصیده تیکشیریش ایشی نی جدی شکلیده باشله یشی نی ایسته ب ، هر کیم نینگ بو مسئله اوچون قولی بارلیگی ثابت بولیشی بیلن محکمه ده تارتیلیشی نی طلب قیلدی.

عین دمده ، مسعود جنابلری ، افغانستان حکومتی بیلن قوشیمچه ، امریکا نینگ افغانستانده گی ایلچی خانه سی و عرب قوشمه بیرلیگی دن اوشبو موضوع نینگ انیق لنتیریشی اوستیگه تیزراق حرکت قیلیش لری نی طلب قیلدی.

احمد ضیا مسعود بو خصوصدده بونده ی دیدی.

"حتمن بیر اوغیرلیک صورت تاپگن ، اگر ده امریکا ایلچی خانه سی بو موضوع نی ترقه تگن و اونگه قه ییرده ، قچان و قنده ی لیگی نی هم توغری شکلده ایتمه گن ، حتمن بو ایشنی بیر کیشی قیلگن و اوشه کیشی تاپیلیشی کیره ک ، او کیشی یا بیر خارجی دیر یا مین من ویا هم باشقه بیران کیشی دیر."

ویکی لیکس تمانیدن امریکا نینگ مینگلب یاشیرینچ حجت لر نینگ ترقه تیلیشی نی ، امریکا دولتی دیک افغانستان حکومتی هم رد قیلیب کیلگن .

افغانستان حکومتی اوشبو حجت لر ترقه تیلشی نینگ ، دیپلوماتیک قانونی گه قرشی بیر عمل دیب ، اوشبو حجت لر نینگ ترقه تیلشی امریکا و افغانستان رابطه لریگه هیچ قنده ی تاثیر تشله آلمه یشی اوستیگه تاکید قیلیب کیلماقده.

عین حالده افغانستان جمهور رییسی نینگ سوز چیسی وحید عمر ، افغانستان جمهور لیک ریاستی نینگ قدیم کی اورین باسری احمد ضیا مسعود 52 ملیون دالر نینگ دوبی ده انتقال بیریش مسئله سی ، هیچ قنده ی رسمی مرجع تمانیدن افغانستان حکومتی گه ایتیلمه گنی نی ایتیب بوباره حاضرگی پیتده صحبت قیلیش نینگ هله ییرته دیگن.

بوندن آلدین راق هم ویکی لیکس افغانستان اداره لریده گی فساد خصوصیده یازیب اونده امریکا دیپلمات لری اوشبو اولکه ده کینگ کولمده ترقلگن فساد دن تشویش بیلدیریشی نی کورستگن ایدی

ویکی لیکس تمانیدن ترقه تیلگن مینگلب یاشیرینچ حجت لر ، دنیا بوییچه رسانه لرگه موضوع توغدیرگن عین مسئله افغانستان مطبوعاتیده هم نیچه کون دن بیری قیزیق بحث لر بیلن ایلگری کیتماقده.