سل کسللیگینی آز وقتده انیقلش اوچون ینگی اصول

سل
Image caption سل کسللیگی هر ییلی بیر یریم میلوین دن کوپراق انسان اولیمیگه سبب بوله دی

جهان ساغلیک نی سقلش تشکیلاتی ، توبر کلوس یا سل کسللیگی نی انیقلشتیریش اوچون ینگی بیر تیکشیروو تورینی دستکلشیشینی معلوم قیلگن

تشکیلاتگه کور اوشبو ینگی تیکشیروو سل کسللیگینی انیقلشتیریش جریانیده بیر انقلاب سنه له دی . اوشبو ینگی تشخصیلش اسلوبی حسته لیکنی اینقلشتیریش نی تیزلشتیره دی و نتیجه سی هم ایشانرلیراق دیر.

ینگی تیکشیروو " دی ان اه "تیکنالوژیسیدن فایده له نه دی ، و او نی مخصوص لابراتوار و یا تیارگرلیک کورگن طبیات خادمی سیز هم بجریش ممکن.

انسان بدنیده سل تیاقچه لری بار-یاقلیگینی انیقلش مقصدیده گی عنعنوی تیکشیروو گه 125 ییل بولدی، تیکشیروو نتیجه سی معلوم بولیشی اوچون اوچ آی مدت طلب قیلینه دی

ینگی تیکشیروو اوچ ساعت ایچیده تیکشیروو نتیجه سینی چیقه ریب بیره دی. بو تیکشیروو ده اولگیسیدیک سولک ایمس، زمانوی دی ان اه تیکنالوزیسیدن فایده له نیله دی .

ینگی تیکشیروو فقطگینه نتیجه نی قیسقه فرصت مابینیده معلوم قیلیشی بیلن فرق قیلمیدی، شونینگدیک ، ایندی ایسکی تیکشیرووده بولگنیدیک اختصاصلشتیریلگن لابراتوارلر هم طلب قیلینمیدی.

ینگی ت جربه نی قوللب ، نفقط کوپ سانده گی مشتریلرنی تیکشیریش، بلکه تیکشیریش نی هم تیزراق قوییش امکانینی بیره دی . جهان ساغلیکنی سقل تشکیلاتیگه کوره، ینگی اصول حسته لیککه قرشی دواله نیشنی هم زودلیک بیلن باشلشگه اذن بیره دی

.

ینگی اسلوب سل حسته لیگینینگ دارو-درمانگه چیدملی تورینی یوقتیرگن بیمارلرنینگ،ایدز ویروسی بیلن یشه یاتگن انسانلر نینگ هم دراو تشخیصینی انیقلب بیره دی ، آلدینگی تیکشیروده بعضاً نتیجه لر کوزلنگنی دیک چیقمی قالگن حالتلر هم بولر ایدی.

جهان ساغلیکنی سقلش تشکیلاتی ینگی تیکشیروو اصولی سل هسته لیگی کوپ اوچره یدیگن ممکلتلرده جاری ایتیلیشی کیرک،دیگن توصئه نی بیرماقده.

اوتگن ییلی توبرکلوس یا سل 1.7 میلیون انسان ننیگ اولیمیگه سبب بولگن

.

افغانستان هم سل کسلیگیگه مبتلا لر سانی جهتیدن دنیا ده ایککینچی اورینده تورگن. رسمی معلوماتلرگه کوره ، افغانستانده هر ییلی 51 مینگ انسان سل کسللیگیگه مبتلا بوله دی و اولر دن 33 مینگینی عیال لر تشکیل بیره دی

قریب 9 مینگ کیشی هم هر ییلی سل کسللیگی باعث افغانستانده هلاک بولیشی ائیتیله دی .

افغانستان عامه ساغلیک وزیرلیگی مککلت بویلب بیر مینگدن ارتیق سلنی دوالش مرکزلری نی آچگن. اما شونگه قره مسدن ، سل هلی هم هلاکتلی کسللیکلردن سنه له دی .

ایندی ایسه اوشبو ینگی تشخیص اصولی واسطه سیده سل حسته لیگینی تیز انیقلش و دوالشنی تیزده باشلش مینگ-مینگلب آدم نینگ حیاتینی سقلب قاله دی ، دیدی جهان ساغلیکنی سقلش تشکیلاتی