اوباما:ناتووامریکا نینگ افغانستانده کی وعده سی اوزاق مدتلی

امریکا جمهورریسی باراک اوباما امریکا نینگ افغانستانده کی ییللیک استراتیژیسینی کوریب چیقیش خصوصیده بولگن صحبتیده افغانستانده ایلگری سینجیش لرنی تینچلیک بیلن یولگه قویلیب کیلنه یاتگنینی اورغوله گن.

همده اوباما، اوشبو ایلگری سینجیش لرنی هزینه لر بیلن بیرگه بولیشی ممکن دیگن.

شونینگ دیک او، القاعده گروهینی بوتونلی شکست بیریش اوچون اوزون مدت زمان کیره لیگینی تاکیدله گن. لیکن شوندی بولشگه قره مسدن اوباما امریکا و صفداشلری نینگ القاعده گروهی گه قرشی جدی فعالیت لریگه دوام بیریشینی ایتگن.

شونگه قوشیمچه قلیب امریکا جمهورریسی " حاضرگی شرایط ده افغانستانده ینگی اوزگریش باسغیچیده کیریشی میزممکن " دیگن.

اوباما نینگ ایتیشچه استراتیژی وایترلی منبع لر موجود بولیب افغانستان خوف سیزلیگینی سکین سکین افغان کوچلری اوز ضیمه سیگه السین لر.

اونگه کوره بو مسوولیت نینگ افغان کوچلریگه تاپشریش اوچون اوشبو کوچلرنینگ ایترلی مشق وتیارلیک لردن اوتکزیش اوچون جدی اعتبار قره تیلیشی کیره ک.

عینی حالده او اوز صحبتی دوامیده امریکا و ناتو کوچلری نینگ افغانستانده بولگن تعهدی نینگ بلند مدت بولیشینی ایتگن.

باشقه تماندن اوباما جنابلری پاکستان خصوصیده هم سوزیورتیب، اوشبو اولکه نینگ سیاسی واقتصادی رواجله نیشینی حمایه قیلیشگه اورغوبیرگن.

اوباما نینگ بو اظهاراتی امریکا نینگ افغانستان بویچه بولگن ییللیک استراتیژی سی خصوصیده کی حسابات ترقه تیلگنیدن سونگ یوزه چیقماقده.

اوشبو حسابات اساسیده، القاعده ترماغی کوچ سیز بیر حالت گه قرار تاپگنی معلوم قیلینگن، همده حساباتده امریکا نینگ افغانستانده بولگن یوتوق لریدن سوزیورتیلیب، شونگه ماس 20011 میلادی ییلدن باشلب افغانستانده کی امریکا کوچلری نینگ کمیتریش مرحله سی باشله نیشی تاکیدلنگن.

امریکا قوشمه ایلت لری 2014 میلادی ییلده افغانستانده کی حربی عملیات لرینی توخته تیب اوشبو مسوولیت نینگ افغان کوچلریگه تاپشرماقچی.

ترقه تیلگن حساباتده سونگی ییللرده طالبان عصیانچی لری نینگ کوچ سیزبولگنی تاکیدلنیب، لیکن عینی گزارشده بو کبی موفقیت لیک لر دواملی بولمی اوزگریشی هم ممکن لیگی اورغولنگن.

آق اویده صحبت قیلگن امریکا جمهورریسی اوباما امریکا کوچلری نینگ افغانستانده کی اساسی غایه سی القاعده ترماغی نینگ یوق ایتیش اوچون دیگن.

امریکا نینگ ملی خوف سیزلیک کینگاش اعضالری تمانیدن اوتکزیلگن بو تیکشروده پاکستانده جایلشگن القاعده رهبرلری نینگ انچه کوچ سیز بولگنی تاکیدلنگن.

اوشبو گزارشده معلوم قیلنیشچه امریکا پاکستان بیلن قوشمه استراتیژی توزیش اوچون اورنیب کیلماقده. همده پاکستان دولتی القاعده گروهی نینگ باش پناه لرینی یوق ایتیش اوچون ایلگری سینجیش لرگه ایرشگنی ایتیلگن.

تیکشرو نیتجه سی شوندی بیر پیتده ترقه تیله دی کی امریکا خلقی نینگ حوصله سی پر بولگن.

ای بی سی نیوز و واشنگتن پست، تمانیدن الیب باریلگن تیکشرو گه 60 فایز امریکا لیک لر افغانستان اوریشی باریشده ارزی مس دیگن لر .