تا جکستان قماقخانه سیدن قاچگنلردن یتتی کیشی سی توتیلگن

تاجکستان قماق خانه سیدن قاچقگنلردن یتتی کیشی سی افغانستان شمال شرقیده جایلشگن تخارولایتیدن پلیس کوچلری تمانیدن قولگه آلینگن. محلی رسمیلرایسه قولگه الینگن کیشی لرنی پایتخت کابل گه یوبارگن لیگینی ایتگنلر.

افغان رسمیلریگه کوره اوشبو یتتی کیشی بوندن ایککی کون الدین چیگره حدودلرده کی پلیس کوچلری نینگ قیدرو عملیات لری جریانیده تاجکستان بیلن چیرگه داش بولگن درقد ولسواللیگی نینگ قغنی منطقه سیدن قولگه الینگن.

رسمی معلومات لرگه کوره قولگه الینگن شخصلردن تورت ته سی تاجکستان لیک وباشقه اوچ کیشی سی افغانستان لیک بولگن.

تخارولایتی نینگ ولایت حاکمی سوزچیسی فیض محمد توحیدی قولگه الینگن یتتی کیشی نینگ کابل گه یوباریلگنینی اورغولب لیکن اولر خصوصیده ارتیقچه معلومات بیرمه گن.

شونگه قوشیمچه قیلیب توحیدی جنابلری تاجکستان قماق خانه سیدن قاچگن باشقه کیشی لرنی هم توتیش اوچون قیدرو عملیات لری یولگه قویلیشینی تاکیدله گن.

لیکن تاجکستان قماق خانه سیدن قاچقگن لردن اوچ افغانستان وطنداشی اون بیش کیشی حاضرگه چه قولگه الینمه گن. اولرنینگ افغانستان یاده تاجکستان ده بولگنی هم معلوم قیلنمه گن.

تاجکستان دولتی افغان پلیس کوچلری تمانیدن توتیلگن یتتی کیشی نینگ تاجکستان گه قیته ریلیشینی ایسته گن ، اما افغان حکومتی حاضرگه قدر بوخصوصده هیچ قندی مناسبت بیلدیرمه گن.

اوتگن اگست ای نینگ آخرلریده تاجکستان پایتختیده کی دوشنبه قماق خانه سیده ناانیق قوراللی لر هجوم اویشتریب اوشبو ایگرمه بیش محبوس نی قاچیرگن ایدیلر.

قاچگن محبوس لرنینگ اکثریتی تاجکستان حکومتی گه مخالفت ده بولگن کیشی لردن عبارت.