افغانلرمسوولیت لرنینگ آلیشیگه شرط لری بار

Image caption وحید عمر: افغانلر خوف سیز لیک مسوولیت لر نینگ آلیشی ، حاکمیت اوچون اهمیتلی دیر.

افغانستان حکومتی ، بو مملکت اوچون امریکا تمانیدن ترقه تیلگن ینگی ستراتیژه نینگ نیچه موردیگه ایراد کورسه تدی.

جمهور رییس کرزی سوزچی سی وحید عمر ، افغان حربی لری نینگ تعلیم بیریش همده جهازلنتیریشی ، افغانستان اقتصادی ظرفیت لری نینگ کینگه یتیریشی ، شو نینگ دیک عادی اهالی تلفاتی نینگ کمه آلدینی آلیش ویا هم کمه یتیریشی شونگه اوخشه گن باشقه نیچه مسئله امریکا نینگ افغانستان اوچون ترقه تگن ینگی ستراتیژه سیده کوپراق تاکید بولمه گنلیگی نی ایتدی.

عمر جنابلری ، مذکور موضوع لر اوچون امریکا تمانیدن کوپراق کوزقره تیشی نی ایسته دی.

بوندن تورت کون ایلگری امریکا افغانستان اوچون ینگی ستراتیژه سی نی اعلام قیلگن ایدی.

اوشبو ستراتیژیگه امریکا و ناتو کوچلری افغانستانده بولگن تعهدی نینگ بلند مدت بولیشی معلوم بولگن.

باشقه تماندن اوشبو گزارشده افغانستانگه تینچلیک نینگ اوزین مدت گه تامین قیلیش اوچون، طالبان گروهی نینگ حمایت بوله یاتگن مرکزلری نینگ پاکستان توپراقی ده هدفگه آلینیشی ایتیلگن.

افغانستان اوچون امریکا نینگ ینگی ستراتیژه سی ترقه تیلگنی دن کیین جمهور رییس اوباما اورین باسری جوبایدن ایسه امریکا کوچلری نینگ افغانستاندن چیقیشی نی 2011 نچی میلادی ییلدن باشلب 2014 نچی میلادی ییلده افغانستانده کی حربی عملیات لرینی توخته تیشی اوستیگه تاکید قیلگن.

امریکا نینگ ینگی استراتیژه سیگه کوره خوف سیزلیک مسوولیتی نینگ افغان کوچلریگه تاپشریش اوچون اوشبو امریکاکوچلری افغانلرگه ایترلی مشق وتیارلیک لردن اوتکزیش اوچون جدی اعتبار قره تیلیشی کیره کلیگی نی اورغوله گن.

بو حالتده قرگنده ، افغانستان حکومتی هم امریکا جمهور رییسی نینگ اورین باسری جوبایدن 2014 ییلده امریکا قشونی بوتونلی افغانستاندن چیقیب کیتیشی خصوصیده یوریتگن سوزلریدن خبر سیز لیک بیلدیردی اما امریکا نینگ قشونی افغانستاندن چیقیب کیتیشی ، افغان لر ایترلی درجه ده حربی اسباب اسکونه لر بیلن جهازلنیشی نی شرط قویدی.

"امریکا ، افغانستان همده دنیا ، بو نظرگه لر کیم مسوولیت لر نینگ تاپشیریشی 2014 نچی میلادی ییلگه چه توگه سه .

اما شرط بو دیر که مسوولیت لر نینگ تاپشیریش جریانی تدریجی شکلده عملی بولیب ، افغان کوچلری جهاز لنیب ، شو نینگ دیک خلق ارا کوچلر نینگ نقشیگه اوزگریش کیلسه. یعنی اوریش جریانیده افغان کوچلری مسوول بولیب خارجی کوچلر حمایه وی نقش بیلن فعالیت قیلیش لری کیره ک."

حاضرگی کونده ، خلق ارا کوچلری نینگ افغانستانده گی سانی 150 مینگ کیشی گه ایتیشه دی.

افغانستان حکومتی ، ناتو همده امریکا بیلن قورگن اوزاق مدتلی ستراتیژی رابطه لری اوستیگه تاکید قیلیب ، اوشبو رابطه لر افغانستان کوچلری ایاق اوستیگه توخته گینچه دوام تارتیشینی اورغولماقده.

شونینگ دیک ، بیرقنچه ایش بیلرمان لر ایسه ، افغانستان نینگ امریکالیک لر ترک ایتیش بحثی نی یولگه قویشی نی هله ییرته دیب ایتگن لر.