افغان باله لری یمان وضعیتده

Image caption ایش بیلرمان لر گه کوره ، اوشبو باله لر نینگ کوپ گینه سی سواد سیز قاله دیلر

افغانستان کوپ گینه کیچیک یاشیده بولگن باله لری ، آغیر ایشلر بیلن شغللنیب کیلیش لری کوپه یگن.

هرچند حکومت رسمیلری ، مذکور باله لر نینگ یغیب ، اولرگه تعلیم بیریش زمینه لرینی یره تیشیدن خبر بیرماقده اما شونده ی بولسه هم مملکت نینگ هر ولایتیده اینیقسه پایتخت کابلده ، اوشبو باله لر ، کم بغللیک مجبورلیگی باعث ، ایریم آغیر ایش لر بیلن شغللنیش لری آرتیب بارگن .

شونده ی بیرحالده ، مملکت ساغلیقی نی سقله ش وزیر لیگی هم ، سرکلر چیکه سیده ایش قیله یاتگن میده باله لر نینگ ساغلیق لری گه ضرر کیلیشی اوچون خواطر بیلدیرگن.

حکومت تمانیدن ترقه تیلگن رقم گه کوره ، افغانستان بویلب بیر ملیون 200 مینگ ایشچی میده باله موجود.

مذکور باله لر کوپراق ، موتر یوویش ، هوتل لرده گارسونلیک قیلیش ، سپند کویدیریش ، تیلفون کارتی ساتیش ، فابریکه لرده ایشله ش ، و شونگه اوخشه گن اونلب باشقه ایشلر نینگ بجره دیلر.

اوشبو باله لرنینگ ایتیشیچه ، هرچند اولر کوپ ایشله یدیلر اما شونده ی بولسه هم ، کون لیک حاجت لریده ایتیشه آلمه یدیلر.

اجتماعی ایشلر وزیرلیگی نینگ اورین باسری واصل نور مهمند سرک اوستیگه ایشلاوچی باله لر نینگ قیین چیلیگی حل بولمه گنی نی تایید قیلیب اما اوشبو وزیرلیگ باشقه یاردم بیروچی تشکیلات لر بیلن ، مذکور باله لر کوپگینه سی نینگ سرک لر دن یغیب ، اولر گه تعلیم کوریش زمینه لرینی یره تیشی نی ایتدی.

مهمند جنابلری گه کوره ، اوشبو قیین چلیک یککه کابل حدودیده بولمه ی بلکه افغانستان بویلب موجود. اونگه کوره ، اوشبو وزیرلیک نینگ اجتماعی ایشلاوچی لری ، هر دایم ، فابریکه لر ، شرکت لر همده هوتل لر نینگ تیکشیریب ، کیچیک یاشیده بولگن باله لرنینگ ایش قیلیشگه قانون گه بناٌ قویمه یدیلر.

" 14 یاشیدن کیچیک بولگن باله لر نینگ هیچ کیم ایشگه آله آلمه یدی. شونینگ دیک 15 دن تا 18 یاشیگه چه هم میده باله ایتیله دی اولر هم اگر عایله لری نینگ اقتصادی قیین چلیک لری حل بولیش مقصدیده ایشگه آلینه دیلر صحت لریگه ضرر ایتکزیلمه یاتگن بیر ایشده آلینیش لری کیره ک."

شونده ی بیرحالده مملکت ساغلیقی نی سقله ش وزیرلیگی ایسه ، اوتمیش لردن کوره ، باله لرگه صحی خذمت لرنینگ ایشیتیریشیده ، کوپراق قادر بولگنی دن سوز یوریتیب اما هوا وضعیتی یمان بولگنی باعث مذکور وزیرلیک نینگ کسل خانه لریده کوپراق تنفسی کسللیگیده یوزمه یوز بولگن باله لر کیله دیلر دیب ایته دی.

یونیسف تمانیدن اوچ ییل ایلگری ترقه تیلگن رقمی گه کوره ، 60 مینگ میده باله کابل نینگ ایریم تجارتی منطقه لریده ایشله ب اوشبو رقم نینگ قریب یریمی گدایگرلیک قیله دیلر اما خاضرگی کونده اوشبو رقم قریب اوتیز فایز کمیگن.

شونده ی بیر حالده ، کابل عالی اوقویورتی ژورنالیزم فاکولته سی نینگ اوقوتوچیلریدن خانم صفیه رهین تمانیدن کابل شهریده ایشله یاتگن میده باله لر نینگ وضعیتی اوچون بیر ییلک تیکشیریش کورسه تیشیچه ، اوشبو باله لر بیرکونده کمیده 15 افغانی اینگ یوقاری سی 400 یوز افغانی پول تاپه دیلر.

خانم رهین نینگ ایتشیچه ، اوشبو باله لر نینگ بیر قنچه سی ، زمان جبری باعث بولیب ایشله له یدیلر اما باشقه بیر قنچه سی هرچند کوزگه کورینر لی درجه ده مالی معما لری بولمه سه ده عایله لری تمانیدن ایش قیلیش گه مجبور بولگن لر.

بوندن قریب ایککی آی آلدین ، ناتو تشکیلاتی نینگ باشلیغ لریدن بیری بی بی سی بیلن بولگن صحبتیده ، کابل ، باله لر گه حیات کیچیریش اوچون ، نیویارک ، همده اروپا دن کوره یخشی راق دیب ایتگن ایدی. مارک سیدول جنابلری نینگ اوشبو سوز لری برابریده ، باله لرنینگ حق و حقوقیده حمایت ایتوچی نهاد لر قرشی لیک بیلدیریب ، افغانستانلیک باله لری نینگ نیچه ییل دن بویان کوپراق ، کم بغللیک ، سواد سیز لیک و شونگه اوخشه گن ، ایریم کسلل لیک لر تهدید قیلیب کیلیشی نی معلوم قیلگن ایدیلر.