ایران ، افغان تاجر لریگه قوله یلیک یره تماقده

ایران افغانستان تاجر لریگه ویزه بیرمه ی بیر حالده ، تجارتی فعالیت لرنینگ اجازه سی نی بیرگن.

عین حالده اوشبو مملکت ، افغانستان قیته قوریش بولیمیده یاردم لری نینگ دوام تارتیشی اوستیگه تاکید قیلیب ، افغانستان نینگ باشقه بولیم لریده هم یاردم بیریش گه تیارلیگی نی اعلام قیلگن.

باشقه تماندن ، ایرانده توخته تیلیب قالگن ، یوزلب ، یاقیلغی ماده لر موترلری افغانستان تمانگه جونه تیلیشی ایتیلگن.

ایران نینگ افغانستان اوچون یوریتگن اشبو سوز لری ، افغانستان جمهور رییسی نینگ بیرینچی اورین باسری مارشال محمد قسیم فهیم نینگ سفری چاغیده صورت تاپگن.

قریب ایگیرمه کون دن بیری ایران تمانیدن توخته تیلیب قالگن یوزلب یاقیلغی ماده لر موتر لری اوچون ، افغان رسمیلری جدی خواطر بیلدیریب ، قیش فصلی یاقیلغی ماده لرنینگ بهاسی انچه یوقاری کیته دیب ایتگن ایدی لر.

افغان رسمیلری ، ایران تمانیدن اوشبو یاقیلغی ماده لرنینگ توخته تیلیشی ، افغانستانده جایلشگن ناتو کوچلری اوندن فایده لنه آلمس لیگی اوچون ، صورت تاپگنی نی ایتگن ایدیلر.

اوشبو معما یوزه گه چیقگنی دن کیین ، افغانستان جمهور رییسی نینگ بیرینچی اورین باسری ، ایرانده ایککی کونلیک سفر قیلیب ، بو مملکت جمهور رییسی همده بیرینچی اورین باسری بیلن اوچره شگن.

اوشبو اوچره شو لرده ، مارشال فهیم جنابلری ، افغانستان ؛ یاقیلغی ماده لرگه کمچلیگی نینگ اورته دن ایلتیش همده ، خوف سیز لیک مسئله سی خصوصیده ایران دن یاردم سوره دی.

باشقه تماندن ، ایران حکومتی ایسه ، افغانستان بیلن رابطه سی نینگ کینگه یتیریش اوچون ، افغان تاجر لری بوندن کیین ویزه سیز شکلده فعالیت قیلیش لری نی اورغولب ، افغانستان ایریم بولیم لریده یاردم بیریشیگه سوز بیردی.

ایران جمهور رییسی نینگ اورین باسری ، محمد رضا رحیمی ، افغانستان نینگ قیته قوریش بولیمیده یاردم بیریشگه کوپراق کوز قره تیشی نی ایتگن.

ایران افغانستان اوچون انچه مهم بیر اولکه تانیلگن. اوشبو مملکت ده اوچ ملیونگه یقین افغان مهاجر لری حیات کیچیره دیلر. اوشبو افغان قاچقین لر نینگ بیر قنچه سی نیچه ییل دن بیری ، مخدره ماده لرنینگ قاچاقی نی یولگه قویش کبی سوز لر اوچون ، ایران ده کوپ گینه قیین چیلیک لر بیلن یوزمه یوز بولیب کیلماقده. عین زمانده مخدره ماده لرنینگ ایرانده قاچاق ایتیلیشی ، افغانستان لیک تاجر لری ، ایران نینگ کابلده گی ایلچی خانه سیدن ویزه قولگه کیتیریشده ، کوپ گینه جنجل لر بیلن دوچ کیلر ایدیلر.

اما بو حالتده قرگنده ، ایران افغان تاجر لری نینگ فعالیت لری اوچون ویزه سیز شکلده فعالیت قیلیش لریگه تاکید قیلگن.