قاچقین لر وزیری: ایچکی آوره لر اوته یمان وضعیتده

افغانستان قاچقین لر وزیرلیگی ایچکی آواره لر وضعیتی دن خواطر بیلدیریب ، اولرگه آذوق آوقت و یاقلیغی ماده لرنینگ یاردم بیریلیشینی سوره دی.

اوشبو وزیرلیک رسمیلری ایچکی آواره لر سانینی 80 مینگ عایله دن کوپراق دیشیب ، ایچکی همده خلق ارا تشکیلات لرنینگ یاردم لریگه اولرنینگ جدی نیازلری بارلیگینی اورغوله دیلر.

قاچقین لر وزیری ، ایچکی آواره لرگه یاردم بیریش اوچون ایترلی امکانیت یوق لیگی نی هم بیلدیردی.

قاچقین لر وزیر لیگی تمانیدن ترقه تیلگن رقم گه کوره ، ایچکی آواره بولگن لرنینگ 60 فایزی دن کوپراقی تینچ سیز لیک لرباعث او اوی جایلرینی ترک ایتشگه مجبور بولگن لر.

افغانستان قاچقین لر وزیری جماهیر انوری ، اوشبو آواره عاییله لرنینگ، قیش فصلی گه خیمه لر آستیده حیات کیچیریشگه قادر ایمس لیگی نی اورغولب ، اگر ده مذکور آواره عایله لرگه یاردم ایتکزیلمه سه ، انسانی فاجعه یوز بیریشی ممکن دیب خواطر بیلدیردی.

افغانستانده گی اوریشلر نه فقط کوپلب انسانلرنی اولیمیگه سبب بولگن بلکه سونگی نیچه ییل ایچیده اون مینگلب افغانستان لیک لرنی آواره بولیشگه مجبور لنترگن.

مملکت جنوب و غربی دن کابل گه آواره بولگن لر هم دولت تمانیدن اولر گه هیچ قنده ی یاردم ایتکزیلمه گنی دن شکایت قیلیب ، حاضر کونده یمان بیر حالت بیلن حیات کیچیریش لری نی ایته دیلر.

اولر گه کوره ، دولت تمانیدن اولر گه بیریلگن یاردم لر موجود قیین چیلیک لرینی حل ایته آلمیدی.

بو بیرینچی مرته ایمس دیرکه ایچکی اواره لر وضعیتیدن خواطر بیلدیریله دی بوندن الدین هم شوکبی خواطر لر اظهار ایتیلنگ ایدی.

باشقه تماندن الیب قره گنده، ارتیب باره یاتگن ناتینچ لیک لر ایچکی اواره لر سانینی کوپیتریب معمانی کینگیب بارشگه سبب بولماقده.

بیرلشگن ملت لر تشکیلاتی هم بوخصوصده اوز خواطرنی بیلدیریب، امکانگه قدر اولرگه یاردم قیلیشینی تاکیدله گندی.