افغانستان ده "ایران قورال –یراغ قاچاقچیسی" قولگه آلیندی

امریکا لیک عسکر
Image caption ژیری تومنیده ناتو حربی عملیات لر نی کوچلنتیرگن

افغانستان ده کی ناتو رهبریتیده کی کوچلر ، قندهار ده کی طالبان رهبریتی بیلن بیواسطه رابطه سی بولگن قورال –یراغ قاچاقچیسینی قولگه آلگن لیکلریدن خبر بیرگن.

افغانستان ده گی ناتو ایتکچیلیگیده گی کوچلر نامیدن بیانات ترقه تیلگن ، اونده ایراندن افغانستان گه قورال-یراغنی ناقانونی آلیب کیریشگه رابطه سی بار "طالبان نینگ اساسی قورال-یراغ تامیناتچیسی" قولگه الینگنی ائیتیلگن.

گمانده گی کیشی شنبه کونی قندهار ولایتیده اوشلنگن ، بو حدود ناتو کوچلری اوزینینگ نظارتینی کوچیتیریشگه حرکت قیله یاتگن حدودلردن بیری حسابلنه دی.

بوندن آلدین ترقه تیلگن خبر لر ده ، قولگه آلینگن شخصنی ، ایران انقلاب قروقچیلر قوشینلری نینگ القدس گروهی اعضالریدن ایکن لیگی ایئتیلگن ایدی.

اما ، کیینچه لیک ، ناتو کوچلری ترقه تگن توزه تیش خطی آرقه لی ، قولگه آلینگن شخصنی ایران نینگ القدس کوچلریگه تیگیشلی بولمه گنلیگنی تاکید له دیلر .

بو کیشی قولگه آلینگن "ژیری" تومنی طالبان اساس سالینگن جای دیب کوریله دی .

بو ایران افغانستان ده گی عصیانکارلیکنی دستکله یاتکنی حقیده ینگره یاتگن ایلک عیبلاو ایمس.

ناتو بیاناتیده گه کوره ، بو شخص ایران دن جنوبی نیمروز ولایتی آرقه لی قندهار گه قورال-یراغ قاچقاینی تشکیللشتیرگن.

ناتو بیاناتیده بو کیشی نینگ قندهار ولایتیده گی طالبان رهبرلری بیلن توغریدن –توغری رابطه سی بار ، حسابلنه یاتگنی معلوم قیلینگن.

قندهارد ه گی ایتکچی افغانستان خوفسیزلیک خذمتی ملازمی نینگ ائیتیشیچه ، اتفاق کوچلری حبسگه آلیشیدن ایلگری معیین وقت بو شخصنی کوزه تیب یورگن لر .

افغانستان ملازمی نینگ بی بی سی گه ائیتیشیچه، "ایران استخبارات خذمتلری جنوبده طالبان و مخدر مادهلر سوداگرلریگه یاردم بیریبتدی . بو نرسه گه بیز هر کونی دوچ کیلیب توریبمیز. بو حاضر همه گه عیان نرسه"

ییلردن بیری غربلیک رسمیلری ایران نی افغانستان ایشلریگه اره له شوو ده عیبلب کیلماقده لر .

ایران ایسه اوز منفعتلرینی حمایه لشدن اوزگه هیچ بیر ایشگه اره لشمه گن لیگنی تاکید

افغانستان ایران بیلن مشترک چیگره و مشترک تیلگه ایگه. موجود چیگره نی قوروقلش آسان هم ایمس.

ناتو کوچلری هم ایران نینگ عصیانچیلیکلر گه یاردم ایتکیزیشیدن خواطرده

حاضر گه چه ایران نینگ بو خصوصده کی اورینی حقیده ، جوده آز کوچلی دلیللر اشکار ایتیلگن.

هر چند افغانستان رسمیلری هم اوز ارا صحبتلریده ، ایران نینگ افغانستان ایچکی ایشلریگه اره له شیشینی ایئته دیلر.

اما عامه قرشیسیده ،افغانستان دولتی بوند هی بیر ادعا لر گه تیگمسلیککه حرکت قیلیب کیلگن. بونگه اساسی سبب ایسه افغانستان کوچلی قوشنی سی بیلن بولگن حساس رابطه لرنی بوزیشنی ایستشمیدی.

عینی پیتده، طالبان کبی سنی مذهب بیر گروه نینگ شیعه مذهب بیر دولت تمانیدن حمایه ایتیلیشی غیر عادی حالت دیر.

اما امریکا دولت اداره سی تمانیدن ترقه تیلگن سونگی بیر حسابات ده ائیتیلیشیچه ، "خارجی کوچلر و میزبان حکومت قرشیسیده توسیقلر یره تیش اوچون" تورلی گروه لر نی دستکلش ایران رهبریتی نینگ اساسی استراتیژی سینی تشکل بیره دی .