آیساف کوچلری نینگ کابلده گی عملیاتیده ایککی کیشی هلاک بولگن

افغانستان پایتختی کابلده آیساف کوچ لری عملیات یولگه قویگن لر

اوشبو عملیات نتیجه سیده ایککی کیشی یره لنگن همده ایککی کیشی هلاک بولگن.

افغان مقام لریگه کوره خارجی کوچ لر آرقه لی یولگه قوییلگن بو عملیات ده افغان مقام لری بیلن کیلیشیلمه گن.

افغان مقام لریگه کوره کیچه تونده قرییب ساعت بیر لر ده خارجی کوچ لر پایتخت کابل نینگ تورتینچی ناحیه سی لب جر منطقه سیده عملیات یولگه قویگن لر

اوشبو عملیات تایگر انترنیشنل بینا سی نینگ اوچینچی قو تیده جایلشگن الهام راشد ناملی قوریلیش شرکتیده یولگه قوییلگن.نتیجه ده ایسه اوشبو شرکت نینگ ایککی قوریقچیسی یره لنگن همده ایککی قوریقچیسی هلاک بولگن.

افغان مقام لریگه کوره عملیات دن سونگ افغان پولیس کوچ لری محل گه ایتیب بارگن لر . یره لنگن کیشی لر حاضر عامه ساغلیک مرکزیده دوا لنیش اوچون یوباریلگن.

کابل امنیه قومندان لیگی نینگ جنایی ایش لر بوییچه تحقیقات آلیب باریش بولیمی نینگ ریسی محمد ظاهرگه کوره آیساف کوچ لری بو عملیات نی افغان پولیسی همده افغان مقام لری بیلن کیلیشمه گن حالده یولگه قویگن لر.

محمد ظاهر گه کوره، آیساف کوچ لری اوشبو بینا ده دولت مخالف لری جایلشگن دیگن معلومات لر نی آلگن لیک لرینی ادعا ایتگن لر.

بیراق افغان پولیسی گروهی عملیات یولگه قوییلگن دن سونگ محل ده ایتیب بارگن لیکن او ییرده دولت مخالف لری جایلشگن لیگی خصوصیده هیچ قندی دلیل بولمه گن.

محمد ظاهرگه کوره بو عملیات ناتوغری معلومات لر اساسیده یولگه قوییلگن .و اوشبو موضوع یوزه سیدن تیکشیریش دوام ایتماقده اوشبو موضوع نی به تفصیل انیق لش اوچون افغانستان ایچکی ایش لروزیرلیگی تمانیدن بیر هیات تعیین ایتیلگن.

خارجی کوچلراینقسه امریکا حربی لری تمانیدن افغان حکومتی نینگ اگاه لنترمسدن قیدرو عملیات لرنی یولگه قویب کیله یاتگنی قتیغ تنقید لربیلن بیرگه بولیب کیلگن حتی کی افغانستان جمهورریسی حامدکرزی بیرنیچه مرته بوکبی عملیات لرنی توخته تیلیشینی خارجی کوچلردن سوره گن ایدی. لیکن شوندی بولسه هم بومعما حاضرگه چه حل بولمه گندیر.