امریکا ایچکی خوف سیزلیک وزیری افغانستانده

امریکا قوشمه ایالت لری چیگره کوچلری همده باجخانه لر مقام لریگه تعلیم بیریش اوچون کوپراق اوقیتوچی لر نی افغانستان گه یوباره دی .

امریکا نینگ ایچکی خوف سیز لیک وزیری افغانستان گه قیلگن سفری چاغیده ، میلادی 2011 ییلده چیگره کوچلریگه تعلیم بیروچی اوقیتوچی لر نینگ سانی 25 دن 52 گه چه آشیشی نی ایتگن.

امریکا نیگ اوشبو مقامیگه کوره ، افغان چیگره قوریقلاوچی لریگه تعلیم بیریش خارجی حربی کوچلر نینگ چیقیب کیتیشیده گی بیرینچی جانلی قدم بوله دی .

امریکا قوشمه ایالت لری نینگ ایچکی خوف سیز لیک اداره سی متخصصلری دن بیر قنچه سی افغانستان چیگره کوچلریگه تعلیم بیریش بیلن بند دیر .

اولر نینگ عملیات قوییوچی اساسی پایگا ه لری تورخم چیگره سیدن 5 میل اوزاق لیکده جایلشگن.

اوشبو اداره وزیری جانت ناپولیتانو تناون افغانستانگه کیلیب اوشبو پایگاه نی کوزدن اوتکزدی .

ناپولیتانو خانم افغانستان چیگره سینی قوریقلش اوشبو اولکه ده ثبات کیلتیریشده اینگ مهم موضوع لیگی نی ایتیب افغان کوچلری بو خصوصده کوپراق تعلیم آلیشی کیرکلیگی نی تاکید له دی .

"چیگره لر نی قوریقلش پولیس عسکرلری شهرنی قوریق لشی سینگری ایمس ،البته تورلی روش لر و تورلی قانون گه احتیاجی بار .شوندی ایکن چیگره کوچلریگه تعلیم بیریش جوده مهم.چونکی اولکه ده ثبات نی کیلتیریشده چیگره نی قوریق لش مهم دیر.بو چیگره افغانستان بیلن پاکستان یاکی باشقه چیگره لری بولیشی ممکن."

حاضرگی کونده امریکا قوشمه ایالات لری نینگ 25 متخصصی افغانستان ننیگ قاچقین لر ، باج خانه لر همده چیگره لرنی قوریق لشده فعالیت قیلماقده لر .

منه شو متخصیص لر دن کوپ چیلیگی افغان کوچلرینی چیگره لرنی قندی قوریق لش لازم لیگی خصوصیده تعلیم بیریش بیلن شغلنماقده

خانم ناپولیتانو گه کوره میلادی 2011 ییلده افغانستان ده گی اوشبو متخصص لر سانی نی آشه دی .

افغانستان دن قانون سیز شکلده بولگن میلیاردلب نقد پول نینگ کیریب چیقیش آلدینی آلیش امریکا برنامه لری نینگ اینگ چوقی سیده توریبدی .

استخباراتی مقام لر گه کوره 2007 ییلدن حاضرگه قدر 3 میلیارد دالر قانون سیز شکلده افغانستان دن چیقیب کیتگن.اوشبو پول نینگ کتته قسمی دوبی گه چیقگن لیگی ایتلماقده.

ایندی لیکده امریکا قوشمه ایلات لری افغان چیگره کوچلرینی تعلیم بیریش بیلن چیگره لر ده دوام ایتیب کیله یاتگن منه شو قانون سیز لیک فعالیت لری نینگ آلدینی آلماقچی