امریکا سناتور نینگ افغانستانده حربی قرارگاه قوریش طلبی

امریکا سنا مجلیسی نینگ تنیقلی سناتورلریدن لیندسی گراهام افغانستانده حربی قرارگاه قوریش طلبی امریکا جمهورریسی باراک اوبامادن سوره لگنینی ایتگن.

لیکن افغانستان ریاست جمهورلیک سرای بوخصوصده رسمی صحبت بولمه گنینی اورغوله گن.

گراهام جنابلری ان بی سی تلویزیون ترماغی بیلن بولگن صحبتیده افغانستان ده دایمی حربی قرارگاه قوریش منطقه بویچه اولکه لراوچون هم فایده لی دیب فکر بیلدیرگن.

اونگه کوره افغانستانده دایمی حربی قرارگاه قوریش افغانستان امنیتی کوچلری نینگ قوراللی مخالف گروه لرگه قرشی کوره شیش اوچون یاردم بیره دی.

شونگه قوشیمچه قیلیب او، بوکبی حرکت لر پاکستان وضعیتی گه هم ایجابی تاثیر قالدریشی ممکن لیگینی اورغوله گن.

لیکن افغانستان حکومتی امریکا نینگ دایمی حربی قرارگاه قوریش خصوصیده هیچ قندی بیر رسمی صحبت بولمه گنینی معلوم قیلدی.

افغانستان ریاست جمهورلیک سرای نینگ سوزچیسی وحید عمر بو خصوصده مناسبت بیلدیریب ، امریکا نینگ دایمی حربی قرارگاه قوریش خصوصیده رسمی صحبت بولمه گنینی معلوم قیلگن.

شوندی بولسه هم افغانستان دولتی، امریکا نینگ دایمی یاردملریگه احتیاج بارلیگینی اورغوله گن.

اوتگن کون افغانستان مدافعه وزیرلیگی امریکا نینگ حربی ساحه لرده بولگن یاردم لرینی ایککی برابرکوپیشدن خبربیرگن ایدی .

خوب شوندی ایکن امریکا قوشمه ایلت لری افغانستانده کی حربی لرینی 2011 میلادی ییل اورته لریده افغانستاندن چیقاریش برنامه سی باشله نیشینی تاکیدلب کیلماقده.

بریتانیا هم 2015 میلادی ییلگه اوز کوچلرینی افغانستان دن چیقاریلیشینی معلوم قیلگن ایدی.

لیسبونده حامدکرزی وناتو باش کاتبی اره سیده امضالنگن کیلشوده 2014 میلادی ییلگه قدر افغانستان خوف سیزلیک مسوولیتینی بوتونلی افغان کوچلریگه تاپشریلیشی قید ایتیلگن.