امریکا مدافعه بودیجه سیده کی قیسقرتیریشلر

روبرت گیتس
Image caption امریکا مدافعه بدیجه سی ده کی قیسقرتیریشلر افغانستان اوروشیگه تاثیر قیلمسلیگی تاکید لنه دی

قوشمه ایالتلر مدافعه وزیری روبرت گیتس ، کیلگوسی بیش ییل اوچون امریکا حربی بودیجه سی ده 78 میلیارد دالر قیسقرتیریلیشینی اعلان قیلگن.

اوشبو مبلغ بوندن الدین اعلان قیلینگن 100 میلیارد دالر ایچکی ذخیره لش پولیگه قوشیمچه قیسقرتیریله دی

بو ایسه قوشمه ایالتلر نینگ ، فدرال تنقیصلر نی کمیتیریش اوچون یولگه قوییله یاتکن چاره لری سره سیده عملگه آشیریلماقده.

جناب گیتس نینگ ایئتیشیچه ، اوشبو بودیجه قیسقرتیریلیشی ، امریکا مدافعه وزیرلیگیده کی"سونگسیز مبلغ خراجاتی مدنیتیگه یکون یسه ی دی".

اوتکن ییلی امریکا مدافعه بودیجه سی 700 میلیارد دالر ایدیو بو ایسه قوشمه ایالتلر فدرال بودیجه سی نینگ اینگ کوپ قسمینی ت شکیل بیره دی .اما 2012 نچی ییلده ایسه امرکیا مدافعه بودیجه سی 553 میلیارد دالر بولیشی کوتیله دی .

امریکا نینگ اردوسی حاضرده اولکه تشقریسیده ایککی جبهه ده یعنی افغانستان و عراقده اوروشماقده . اما مملکت ایچیده ایسه اقتصادی حقیقتلر بیلن دوچ کیلیشلری لازم .

قوشمه ایالتلر مدافعه وزیری روبرت گیتس ، 11 اینچی سپتمبر حاثده لریدن بیری ، حربی بودیجه ده کی اینگ ییریک قیسقرتیریشنی اعلان قیلدی.

امریکا قوشونلر سانی 6 % گه کمه یه دی و اینگ قیمت حربی جهازلر بیکار قیلینه دی . اما شونگه قره مسدن ، عراق و افغانستان اروشیینی مالیه لش اوچون اجره تیلگن بیر تیریلیون دالر لیک مبلغ قیسقرتیریلمیدی.

اما قورال –یراغ برنامه لری اوچون هر قندهی قیسقرتیریش ، کانگریس نینگ قطیغ قرشیلیکلری بیلن دوچ کیلیشی ممکن.

جناب گیتس ، امریکا ننیگ اوروشده بولگنلیگینی انگلب ایتگن حالده ، موجود اقتصادی وضیعت باعث بو قیسقرتیریشنی یولگه قوییشگه مجبور بولگن لیکلرینی تاکید له دی

"بیر نیرسه گه اورغو بیرماقچی من ، امریکا اوروشده و کوپ گینه کیله جک خوفسیزلیک تهدیدلر بیلن یوزمه یوز ، بیز اوتمیش ده بولگنی سینگری ، اوته کیسکین ، و بوتون مدافعه بودیجه سی بوییچه نا قوله ی قیسقرتیریشنی عملگه آشیریب خطا گه بارمسلیگی میز کیرک." دیب ایئتگن روبرت گیتس

عینی پیتده ، جناب گیتس بو بودیجه قسقرتیریلیشی یانیده ، جاری اوروش لر کبی کیله جککه خوف سالوچی ساحه لرد ه کوپراق سرما یه یاتقیزیشینی هم معلوم قیلدی

تنقصیات نینگ بو باسقیچیده ، عادت ده حربی صناعتنی اوز سیلاو حوزه لری اوچون سقله ماقچی بولگن کانگریس اعضالری هم ، ،جناب گیتس نینگ ریجه سینی قبول قیلیشلری ممکن.

Image caption امریکا لیک قوشمچه عسکرلر قیش موسمیده طالبلرگه باسیملر نی کوپیتیریش اوچون افغانستانگه یوباریله دی

عینی دمده مدافعه وزیر قوشمه ایالتلر نینگ خلق ارا اتفاقداشلریگه ، خلقرا مسئولیتلریگه بوش کیلمه یاتکن لیگی بوییچه ایشانچ بیریشگه حرکت قیلدی.

امریکا افغانستان گه قوشیمچه کوچ یوباره دی

جاری بودیجه قسقرتیریش لریگه قره مسدن امریکا دولتی ، یینه 1400 قوشوننی افغانستان جنوبیگه یوبارماقچی.

امرکیا مدافعه وزیرلیگیه کوره اوشبو کوچلر کیلگوسی بیر نیچه هفته مابینیده ، یش موسمیده طالبلر گه قرشی باسیملر نی اشیریش مقصدی بیلن افغانستان جنوبیگه سفر بر ایتیله دی .

قوشمه ایالتلر کیلگوسی جولای آییدن باشلب اوز کوچلرینی افغانستاندن چیقاریش برنامه سینی باشلیدی.

اوشبو کوچلر بیر نیچه هفته دن کیین بارگن لری بیلن عملیاتلرده اشتراک ایتب و فقط 90 کون اوچون افغانستان ده قالیشلری کوتیله دی .

امریکا جمهو ر رئیسی بارک اوباما بوندن بیر ییل مقدم افغانستان گه قشومچه 30000 عسکر یوباریلیشیگه بویروق بیرگن ایدی و بونگه قوشیمچه کیرک بولگنده یینه 3000 عسکرچه قوشون یوباریش بوییچه مدافعه وزیری روبرت گیتسگه رخصت بیرگن اید .

حاضر ده قریب 97000 امریکالیک کوچلر افغانستان ده موجود. بونگه قوشیمچه 45000 قوشیون باشقه ناتو گه اعضا دولتلر دن بار. امریکا رسمیلری بو ینگی قوشونلر بیلن یینهم جناب اوباما تعیین ایتگن 100000 قوشون چیکلاونیدن اوتمسلیگینی تاکید له ماقده لر .

امرکیا مدافعه بودیکه سیده کی قیسقرتیریلیشلرگه قره مسدن یینه ده قوشیمچه کوچلر یوباریش قراری امریکا نینگ دشمنلری اوچون، قوشمه ایالتلر حربی قدرتی هلی – بیری تنزلده ایمسلیگیگه دائر بیر آگاه لنتیریش دیر .