"امریکا افغانستان ده دائمی قرارگاه قورمیدی"

روژیرو

امریکا قوشمه ایالتلری دولت رسمیلریدن بیری ، امریکا دولتی نینگ افغانستان ده دائمی قرارگاه قوریش قراری حقیده کی خبر لر نی رد ایتیب چیققن.

ریچارد البروک اولیمیدن کیین او نینگ اورنیگه افغانستان و پاکستان بو یچه تعیین ایتیلگن امریکا نینگ مؤقت مخصوص وکیلی فرانک روژیرو نینگ ائیتیشیچه ، امریکا نینگ افغانستان گه نسبتاً یادم لری و عده لری اوزاق مدتلی ، اما اوشبو اولکه افغانستانده دائمی قرارگاه قوریش نیتیده ایمس.

امریکا نینگ افغانستان ده دایمی قرارگاه قوریش ریجه سی سونگی پیتلرده امریکا نینگ جمهوریتچی سناتورلریدن بیری تمانیدن ایلگری سوریلگن ایدی.

جمهوریت چی سناتو لیندسی گراهام، امریکا نینگ ان بی سی تلویزیون کانالی بیلن قیلگن صحبتیده ،افغانستان ده دامی حربی قرارگاه قوریش منطقه منفعتیده دیر.

اوشبو سناتور نینگ ایتیشیچه ،بیر نیچه قرارگاه قوریش امریکا لیک کوچلر نی طالبانگه قرشی کفالتلیدی، شونینگدیک پاکستان گه هم طالبان نینگ باشقه افغانستانگه قیته المسلیگی بوییچه پیغام بیره دی و بو پاکستان قیلمیشلریده اوزگریش کیلتیریشگه اونده ی دی .

اما کابلده کی امرکیا ایلچی خانه سیده اوتکزگن مطبوعات ییغینیده جناب روژیرو : " امریکا افغانستان گه نسبتاً اوزاق مدتلی وعده لر گه ایگه و بیز بونی انسان پرور و متخصص خادملرنی یوباریشف قورالی کوچلریمیز و افغانستان گه بیریله یاتکن یاردملریمیز بیلن عملگه اشیره میز و بو نی کورستگن میز، لیکن دائمی حبی قرارگاه قوریش نیتیمیز یوق" دیب ایئتگن .

فرانک روژیرو امریکا نینگ افغانستان و پاکستان بوییچه موقت مخصوص وکیلی ایتیب تعیین ایتلیشیدن کیین منطقه گه بولگن سفری جریانیده بیرینچی مرته افغانستان گه کیلگن.

او اشوبو سفری جریانیده افغانستان لیک رسمیلری شو جمله دن جمهور رئیس حامد کرزی بیلن اوچرشگن.

امرکیا دولتی قیش موسمیده طالبان گه باسیم لر نی کوچیتیریش اوچون کیلگوسی هفته لر ده 1400 نفر عسکرنی افغاسنتان گه یوباریشنی ریجه لشتیرگن.

قوشمه ایالتلر اوز کوچلرینی افغانستاندن چیقاریش جریانینی جاری میلادی ییل اورته لریدن باشلیدیو 2014 نچی ییلگه چه برچه خارجی کوچلر افغانستان نی ترک ایته دیلر .

اما دائمی حربی قرارگاه قوریشی حقیده کی گپ سوزلر ، ایریملرگه ، امریکا یقین کیله جکده افغانستان دن چیقیشنی ایسته مه یاتکن دیگن توشونچه نی بیرگن.

عینی حالده ناتو تشکیلاتی نینگ باش کاتبی اندرس فوگ راسموسن ، بی بی سی بیلن بولگن صحبتیده ، ناتو تشکیلاتی ، افغان کوچلری خوفسیزلیک نی تامین لش اوچون ایترلی ملکه و قابلیتگه ایگه بولگن لیکلریگه ایشانچ لری کامل بولمه سه ، اوز کوچلرینی افغانستان دن چیقرمسلیک امکانیدن هم سوز یوریتگن ایدی.

امریکا و ناتو رسمیلری نینگ قره مه- قرشی بیانات لری ، خارجی کوچلر نینگ 2014 نچی ییلگه چه افغانستان نی ترک ایتیشلری خصوصیده ،انیق بیر کیلیشوگه ایریشیلمه گن لیگیدن دلالت بیره دی .