افغانستان ملی خوف سیزلیک خادم لری خود کش هجوم نشانی بولدی لر

افغانستان پایتختی کابلده ده خود کش هجوم نتیجه سیده اینگ آز 4 کیشی هلاک بولدی

اوشبو پارتلش چهار شنبه کونی ایرته لب ، کابل غربیده جایلشگن محل لریدن بیریده یوز بیردی .

گزارش لر گه کوره ، اوزی بیلن بمب بولگن ،موتر سایکل مینگن بیر کیشی افغانستان ملی خوف سیز لیک اداره سی نینگ ایشچی لری کیته یاتگن سرویس نی نشان گه آلگن.

پولیس مقام لری ایتیشیچه اوشبو حمله نتیجه سیده اینگ آز 8 کیشی یره لنگن.

اوشبو حمله نتیجه سیده هلاک بولگن لر دن ایککی کیشی عادی اهالی دیر. بیراق پولیس مقام لریگه کوره افغانستان ملی خوف سیز لیک اداره سی نینگ تورت خادمی هم اوشبو حادثه ده یره لنگن لر آره سیده بولگن.

حمله ده نشان گه آلینگن سرویس قتیق ضرر کورگن و نتیجه ده اطراف ده گی کیچیک موتر لر گه هم جدی خسارت کورستگن.

اوشبو پارتلش افغانستان پارلمان بینا سی همده بیر قنچه وزیرلیک لر جایلشگن محله ده یوز بیرگن

سه شنبه کونی یعنی تناون ، امریکا جمهور ریسی اورین باسری ، جو بایدن کابل نی کوزدن کیچیریب اوشبو اولکه افغانستان بیلن اوزاق مدت لی یاردم لرینی دوام بیریشینی تاکید له ایدی

امریکا قوشمه ایالاتی افغانستان دن اوز خارجی کوچلرینی چیقاریش نی جاری ییل نینگ اورته یریمی دن باشله ماقچی.

بیراق شوندی بیر حالتده سونگی آی لر دن افغانستان بویلب زوروانلیک لر سانی انچه آرتگن.

آلدینگی آییده هم پایتخت کابلده یوز بیرگن خودکش هجوم نتیجه سیده 5 افغان عسکری هلاک بولگن ایدی .