ایران ناراضی لیک هجوم اویشترگن شخص لرنی قولگه کیرتیلیشی نی سوره گن

ایران نینگ افغانستان ده گی ایلچی سی فدا حسین مالکی ایسه ، ایران ایلچی لیگی قرشیده یولگه قویلگن ناراضی لیک نمایشی نی ایرم غرب دولت لری تمانیدن یولگه قویلگن بیرپروپاگندا دیب ادعا قیلگن.

مالکی جنابلری یولگه قویلگن مذکور نمایش نی الدین دن ریجه لنگن" بیرسیاسی حرکت" بهالب ، اگرده افغانستان دولتی بونینگ عامللری نی حبس گه المه سه ، ایران دولتی یاقلیغی محصولات لرنی نی ایران ارقه لی اوتیشی و شونگه اوخشش افغانستان خصوصده گی باشقه موضوع لرتوغریسیده اوزگریش کیلیتریشی بیلن اگاه لنترگن.

شونینگ دیک ایران نینگ کابلده گی ایلچی لیگی بو خصوصده بی بی سی بیلن صحبت قیلیش دن واز کیچگن و بوباره ده گی موضوع لرنی ایران نینگ رسمی تلویزیون لردن بیریده اظهارایتگن .

بیراق افغانستان دولتی نینگ مطبوعات مسله لری بویچه مصلحت چی سی رفیع فردوس ایسه ، سوزایرکین لیگی افغانستان قانونی گه کیرتیلگن و ناراضی لیک نمایش الیب باریش قانون بویچه افغانستان خلقی نینگ مدنی حقی بولگن لیگی نی معلوم قیلگن.

ایتلیشچه ، بوندن بیرکون مقدم ایران نینگ کابلده گی ایلچی لیگی قرشیسیده ، نا راضی لیک نمایشی الیب بارگن شخص لر، ایلچی لیک بنا سیگه تاش اتیب و محمود احمدی نژاد و ایران نینگ باشقه رهبری لری رسملرنینگ یاقیب یوباریشگن.

شونینگ دیک اولر ایرم افغان لرنینگ ایران دولتی تمانیدن ، تیرباران قیلنگن لیگی و یاقلیغی یوکلنگن گن موترلرنی تاخته تیشگن لیگی نی قتیغ قاره لب چیقیشگن ایدی.