"طالبان قیزلرنینگ تعلیم آلیشنی حمایه قیله دی"

Image caption طالبان اوز حاکمیتلری پیتده قیزطلبه لرنینگ تعلیم آلیشلریگه قرشی لیک قیلگن.

طالبان قیزلرنینگ تعلیم آلیش لریگه قرشی سیاست لریدن واز کیچگن.افغانستان تعلیم وزیری فاروق وردک نینگ بریتانیا ده چاپ بوله یاتگن تایمز تعلیمی روزنامه سیگه ایتیشچه ، فرهنگی اوزگریشلر باعث طالبان، قیزلرنینگ تعلیم آلیش لریگه بوندن کیین قرشی لیک کورستمیدی.

طالبان بو خصوصده رسمی بیرشکلده بیانات چیقارمهگن.

افغانستان نینگ نفوذلی معارف وزیری فاروق وردک طالبان قیزلرنینگ تعلیم آلیش لریگه قرشی بولگن سیاستلریدن واز کیچیشگه حاضرلنه یاتگنینی ایتدی.

جناب وردک بو حقده لندنده تعلیم بویچه جهان فورومیده گپرگن .

" مین نینگ ایشتیشمچه ، اولر تعلیم و قیزلر نینگ علم آلیشلریگه قرشیلیک قیلیش میدی ،"دیدی وردک جنابلری .

اما ، معارف وزیری تعلیم آلیشگه مخالف لیک فقط طالبان دایره سیده ایمس ، بلکی افغان جمعیت نینگ قان- قانیشگه سینگیب کیتگن.

" شو سببلی ، افغانستان نینگ کوپلب ولایتلریده نه ایرکک و نه عیال اوقوتوچیلری میز بار،" دیدی او.

اما ، کابل ده گی حکومتگه قرشی کوره ش آلیب باره یاتگن عصیانکارلر بو حقده آچیق بیانات بیلن چیقیشگنی یوق.

بیراق، مملکت بویلب جنگریلر و قشلاق آقساقال لری اورته سیده محلی درجه ده قیزلرو عیال اوقوتوچی لرنینگ تعلیم درگاه لرگه قیتیشلریگه عاید کیلشولر بولگن.

اوتمیشده ایرم حدودلرده علم آلیشگه انتیلگن قیزلرگه هجوملر اویشتیرلگندی . قرآن کریم ده علم آلیشده عیال هم ایرکک لر کبی تینگلیگی آچیق ایتلگن .

جمهور رئیس کرزی حکومتی ، طالبان بیلن مذاکره لرنی باشلتگن.اما،اوته عنعنه دار عصیانکارلر بیلن هر قندی مذاکره لر افغان عیاللر نینگ ،طالبلر اغدریلگندن سونگ قولگه کیرتیلگن ایرکینلیک لرنی تهدید آستیگه قویشی ممکنلیگی دن خواطرلری بار .

طالبان دوریده عیاللر نینگ ایشلشلری، تعلیم آلیشلری و جماعت ایشلریده اشتراک لری منع ایتلگندی.