افغان مخبرلریدن بیر نینگ یوزیگه تیزاب سیپیلدی

سابقه دار افغان مخبری رزاق مامون گه نا تنیش شخص آرقه لی حمله بولگن و یوزیگه تیزاب سیپیلگن.

اوشبو حمله سه شنبه کونی آقشامیده کابل شهری مکرویانده مخبر نینگ اویی قرشیسیده یوز بیرگن .

رزاق مامون بوندن آلدین بی بی سی نینگ پشاور و کابل ده گی مخبری بولگن ایدی ، مخبرنی حادثه یوز بیرگن دن سونگ تورت یوز یاتاقلی کسل خانه گه آلیب بارگن لر و حاضر هم اوشه ییرده دوالنماقده .

داکتر لر گوره مامون نینگ کوز عینک بولگنی سبب لی کوز لری گه هیچ قندی ضرر ایتمی بیراق یوزی انچه جراحت لنگن .

حاضرگه قدر اوشبو حادثه نی کیم یاکی قیسی گروه تماندن اوییشتیریلگنی انیق ایمس.

بیراق مامون جناب لریگه کوره اوشبو حمله اونینگ مطبوعات فعالیت لری بیلن علاقه دار دیر.

افغانستان خبر لر و مدنیت وزیرلیگی نینگ اورین باسری دین محمد مبارز راشدی، مامون جناب لرینی کسل خانه ده کوریش گه بار گن ، یوز بیرگن حادثه نی قتتیق قاره لب ، خوف سیز لیک کوچ لریدن موضوع نی تیکشیریش لرینی ایسته گن.

رزاق مامون میلادی 1990 ییلدن 2002 ییل گه قدر بی بی سی نینگ پیشاور همده کابلده گی مخبری صفتیده فعالیت قیلگن.

اوندن سونگ پراک آرقه لی ترقه تیلوچی ، آزادی رادیو سی نینگ مخبری همده طلوع تلویزیونی ده فعالیت آلیب بارگن.

مامون جناب لری سونگی ییل لر ده تورت کتاب نی یازیب ترقتدی .اوشبو کتاب لر یازوچی نینگ دکتر نجیب الله همده اونینگ اطلاعات وزیری فاروق یعقوبی نینگ قتلی خصوصیده آلیب بارگن تیکشیرو لری نتیجه سی بولیب "راز خوابیده " (یاتگن سیر)بیرینچی و ایککنچی جلد لری ، افغانستان نینگ تنیق لی قوشیقچی سی مرحوم احمد ظاهر اولیمی خصوصیده " احمد ظاهر چگونه ترور شد؟" (احمد ظاهر قندی ترور بولدی ؟)و "رد پای فرعون "(فرعون نینگ آیاق ایز لری ) کتاب لرینی یازگن .

مامون جناب لری اوز کتاب لریده بعضی بیر شخص لر نی اوشبو قاتل لیک لر نینگ سبب چیسی دیب کورسه ته دی .بو شخص لر ایسه آلدین افغانستان حکومتی همده طالب لر بیلن علاقه دار بولگن و حاضر بیر قنچه سی ایسه اوشبو اولکه ده گی اولوغ سیاسی شخص لر دن حسابلنه دی لر .

اونینگ سونگی کتابی "رد پای فرعون "(فرعون نینگ آیاق ایز لری ) ده بولسه افغانستان ایچکی اوریش لریده ایران حکومتی نینگ نقشی خصوصیده سوز یوریته دی .

شونگه قوشیمچه بیر قنچه قیسقه داستان لر "عصر خود کشی "(خود کش لیک عصری) اثری هم چاپ ایتیلگن.

مامون جناب لری تلویزیون همده رادیو اولتیریش لریده یولگه قوییلگن صحبت لرده ایران همده پاکستان گه قرشی اچیق موضع توتگن.

مامون شمال جبهه سیگه یقین بولیب شو نینگ دیک احمد شاه مسعود نینگ طرفدار لریدن سنه له دی .