بگرام قماقخانه سی نینگ بیر قسمی افغان حکومتیگه تاپشیریلدی

بگرام قماقخانه سی نینگ بیرقسمی بوگون افغانستان ملی اردو سیگه تاپشیریلدی. گرام قماخانه سی نینگ مذکور بولیمی ، قریب بیش یوز محبوس گه مولجللنگن بولیب ، امریکا کوچلری تمانیدن، اساسی شکلده قوریلگن.

افغان رسمیلری گه کوره ، بگرام قماقخانه سی نینگ قالگن بولیم لری نی کنترول ایتیشده ملی اردو کوچلری 75 فایز اورین لری بار.

مدافعه وزیرلیگیگه کوره ، جاری میلادی ییل نینگ آخریگچه ، بگرام قماقخانه سی نینگ بوتون مسوولیتی افغان کوچلری گه تاپشیریله دی.

بگرام قماق خانه سی نینگ بوتونلی افغان حکومتیگه تاپشریلیشی بوندن بیرییل الدین کیلیشیلگن ایدی.

افغانستان و خلق أرا اتفاق كوچلری آرسیده امضالنگن بیتم اساسیده کیله جک ایککی ییلده قماق خانه مسوولیتی افغان کوچلری ضیمعه سیگه توشه دی.

مدافعه وزیرلیگی نینگ مقام لریگه کوره ، اوشبو قماقخانه نینگ قوریق لش اوچون ، قریب ایککی مینگ اردو کوچلری مشق تیارگرلیک لردن اوتیب، اوشبو قماق خانه ده وظیفه لنتریلگن.

افغانستان مدافعه وزیرلیگی نینگ باش قوماندانی جنرال شیر محمد کریمی قماققه بولگن شخص لر اوستیدن تحقیقات الیب باریش دوسیه لرنی تیکشریش کبی موضوع لر هم اوشه ییرده الیب باریلیشینی اورغوله دی .

افغان رسمیلریگه کوره ، بگرام قماقخانه سیگه حاضر 11 یوز محبوس سقله نیب کیلماقده. اوشبو محبوس لر ، امریکا کوچلری تمانیدن اوریش جریانی همده عصیانچی لیک فعالیت لریگه عیبلنیب حیبسگه الینگن

کابل شمالیده جایلشگن بگرام هواقونالغه سی، طالبان حکومتی اغدریلگنیدن کیین، امریکالیک لر نظارتیگه اوتدی.

معلومات لرگه کوره ، امریکا کوچلری نینگ قولیگه توشگن افغان محبوس لری ، حاضر گه قدر محکمه بولمه گن لر ، بو مسئله اوتگن نیچه ییل جریانیده ، محبوس لر نینگ اساسی تنقید لری دن سنه لیب کیلماقده.

باشقه تماندن بگرام قماقخانه سی نینگ مسوولیتی افغان حکومتی گه تاپشیریلیشیگه قره مسدن ، افغان حکومتی نینگ نظارتیده بولگن باشقه قماقخانه لر و محبوسلر وضعیتی توغریسیده شکایت لر یوزه چیقیب بعضا کتته معماگه سبب بولگن.