پلچرخی قماقخانه سیده خارجی محبوسلر

مخدره ماده لرنی قاچاق ایتیش،ناقانونی روشده چیگره دن اوتیش ،القاعده وطالبان گروهی بیلن علاقه سی بارلیکده عیبدار تاپلیب حبسگه آلینگن یوزدن آرتیق پاکستان لیک پلچرخی قماقخانه سیده سقلنماقده.

پلچرخی قماقخانه سی نینگ عمومی قوماندانی جنرال عبدالباقی بهسودی گه کوره،قماقخانه ده سقلنه یاتکن بیش مینگ ایککی یوز محبوسدن 150 نفرینی پاکستان لیک لر تشکیل بیره دی بولگن.

اونی معلوم قیلیشچه چیت ایللیک محبوسلر نینگ اکثریتنی پاکستان لیک لر تشکیل ایته دی.

اونگه کوره پاکستان لیک لر یانیده ایران، تاجکستان، استرالیا، امریکا وبیرنیچه افریقا لیک مملکت لروطنداش لری هم پلچرخی قماقخانه سیده سقلنماقده.

قماقخانه مسئوللریگه کوره باشقه خارجی لرنینگ سانی آز.

کابل ده گی پلچرخی قماق خانه سی سردار محمد داود خان حاکمیتی پیتده 1350 هجری شمسی ییلده قوریلگن.

بو زندان قوریلمسدن آلدین محبوس لر کابل ده گی دهمزنگ قماقخانه ده سقلنرایدی.

رسمی معلومات لرگه کوره پلچرخی قماق خانه سی قریب آلتی مینگ محبوسنی سقلب تورش اوچون قوریلگن.

قماقخانه مسئولی گه کوره پاکستان لیک محبوس لرنی المه شیش ریجه سی یقینده کابل گه سفر قیلگن پاکستان باش وزیری سید رضا گیلانی بیلن محاکمه ایتلگن.

لیکن بوتوغریده عملگه آشیرلگن مذاکره لر نتیجه سی نهایه تاپکن.

پلچرخی قماقخانه سیده سقلنه یاتکن محبوسلرنینگ ایتیشلریچه اولرقویلگن عیبلاولرگه باسم لر آستیده اقرار بولیشگن.

Image caption رسمی معلومات لرگه کوره پلچرخی قماق خانه سی قریب آلتی مینگ محبوسنی سقلب تورش اوچون قوریلگن

بعضی محبوسلرایسه ارزمهس دلیللر اساسیده اوزون مدت قماق جزاسیگه محکوم ایتلگن لیک لرینی ادعاقیلگن.

" پلچرخی قماقخانه سیده اینقسه ایکی خیل پاکستان لیک محبوس بار. بیر قسمی مخدره ماده لرنی قاچاق ایتیش عیبی بیلن توتقونگه کیرتیلگن و باشقه قسمی ایسه سیاسی سبب لر باعث قماقخانه ده سقلنماقده

."دیب ایتدی بهسودی جنابلری.

بهسودی جنابلریگه کوره پاکستان لیک سیاسی محبوسلرنینگ اکثریتی افغانستانده کی خارجی کوچلر تمانیدن قولگه آلنگن.

اولربیرینچی بولیب بگرام قماقخانه سیگه آلیب بارلگن ،تیرگولردن کیین ، عیبلاولراثباتلنگندن سونگ بلچرخی قماقخانه سیگه تابشیرلگن لیگنی پلچرخی قماقخانه سی مسئولی ایتدی.

جنرال بهسودی گه کوره پلچرخی قماق خانه سی نینگ یشم وضعیتی سونگی وقتلرده بیر از یخشی بولگن.

پاکستان لیک محبوس لرفکری

پلچرخی قماقخانه سیده سقلنه یاتکن 24 یاشده بولگن محمد شریف ،پاکستان نینگ بهاوالپور منطقه سیدن بولگنینی ایتدی.

اونگه کوره قریب اوچ یریم ییل اول غزنی ولایتی نینگ قره باغ منطقه سیده هوا ی هجوم طفیلی یره لنیشی آرتیدن خارجی کوچلرتمانیدن حبسگه آلینگن.

Image caption رسمی لر محبوسلرنینگ تعلیم الیش ، و کسب و هنر اورگه نیش لری اوچون یخشی زمینه یره تیلگنینی ایته دیلر

اوبیرمدت بگرامده گی قماقخانه ده سقلنگندن سونگ پلچرخی قماق خانه سیگه آلیب کیلنگنینی ایتدی.

" مینی ایگرمه ییل قماق جزا سیگه محکوم قیلگنلر. حاضرگچه فقط اوچ یریم ییلینی اوتکزدیم. حبسگه آلینگندن حاضرگه چه عایله اعضالریم بیلن هیچ قندی علاقه قوره آلگنیم یوق. کتته احتمال بیلن اولر قورقیش لریدن بوییرگه کیله آلمیدیلر. قولگه آلینمسدن آلدین اونشتیریش ریجه لنگندی .عسل تجارتی اوچون مین غزنیگه کیلگن پیتده خارجی لر مینی حبسگه آلدیلر. پاکستان ایلچی خانه سی هم مین بیلن هیچ قندی علاقه قورمه گن " دیب ایتدی پلچرخی قماقخانه سیده کی پاکستان لیک محمد شریف.

زوار خان دیگن باشقه بیر پاکستان لیک بوندن قریب تورت ییل اول حجت سیز جلال آباد شهریگه تجارت قیلیش اوچون کیلگن.

او کیینچه لیک قولگه آلنیب ،قماق جزاسیگه محکوم ایتلگنینی ادعا قیله دی.

او ایککی آیدن سونگ قویب یوباریلیشیگه امید قیلماقده.

پلچرخی قماقخانه سیده کی داکتر اکبر ناملی ینه بیرمحبوس بوندن تورت ییل آلدین چترال منطقه سیدن کنر ولایتی گه قره ب اوته یاتگن پیتی افغان امنیتی کوچلر تمانیدن توتقونگه کیرتلگنینی ایتدی.

بیراق او نمه اوچون افغانستانگه کیلگنی خصوصیده معلومات بیرشدن واز کیچدی.

افغان ملازملری اونی طالبان گه یاردم بیریش و یره لنگن طالبان عصیانچی لری نی دوالش مقصدی اوچون افغانستانگه کیریب کیلگنینی عیبلاو لر بیلن قماق جزا سیگه محکوم قیلشگن.

اکبر ایسه بیرشفا کار بولگنی ، وهر بیر جایده کسل لرنی درمانلش اوزی نینگ وظیفه سی ایکنینی ایتدی.