شیر و شکر شاعری اوچون ایجادی کیچه

خداینظر عابر
Image caption خداینظر عابر حیاتی نینگ کوپ قسمینی اوزبیک تیلی و خلقی نینگ ایرکین لیگی گه بغشله گن

اوزبیک و فارس تیللریده ایجاد ایتگن تنیقلی فاریابلیک شاعر خداینظر عابر توغیلگن کونی نینگ 90 ییللیگی مناسبتی بیلن میمنه شهریده ایجادی بیر احتفال بولیب اوتگن.

عادتده خاطرلش مراسملری یا ایجادی کیچه لر شاعر و یازووچیلر حیاتدن کوز یومگنلریدن کیین یولگه قوییله دی. حیاتده بولگن شاعرلر اوچون بو کبی مراسملر ازوبیکلر یشه یاتکن ولایتلرده کم در کم روی بیره دی.

خداینظر عابر اوچون یولگه قوییلگن اوشبو ایجادی احتفال ده اونلب شاعر و یازووچی قتنشگن ایدی.

اوشبو ایجادی کیچه ظهیرالدین فاریابی اویشمه سی نینگ تشبثی بیلن یولگه قوییلگن ایدی.

ادیب خداینظر عابر نینگ حضوریده بولیب اوتگن اوشبو ایجادی محفلده او ننیگ حیاتی و اثرلری حقیده اطرافلیچه سوز یوریتیلدی.

عابر نینگ 60ییلدن بیری شعرو ادب عالمیگه یوزکیلتیریب ایجاد ایتیب کیلگن شعرلری شکل وقالب جهت دن غزل وتورتلیکدن عبارت بولیب ومضمون جهتدن کته قسمینی جمیعت ده گی قانون بوزرلیکلرو عدالت سیزلیککه یول قویه یاتگن تورلی قتلم گه قره تیلگن تنقیدی شعرلرتشکیل بیرگن.

اونینگ یره تگن اثرلری اینیقسه اوزبیک تیلی گه یازیش وگپیریش منع ایتیلگن دوردگه تعلقلی بولگن لیگی اوچون شونده ی بیر وضیعتده او بوتیلگه اولمس میراث ایجادایته باشله گنی باعث دقت گه سزاواربولیب خلق کونگلینی ایگللب آلگن.

Image caption خداینظر عابر اوچون یولگه قوییلگن ایجادی احتفالده فاریاب ولایتیده کی اونلب یازووچی و ضیالیلر قتنشگن ایدی

شوجهتدن عابرنینگ ولایت مقیاسیده گی شاعرلربیلن سالیشتیریب کورگن حالده اونینگ شعرلری مضمون جهتدن باشقه لردن اجره لیب توریشینی یققا ل کوزه تیش ممکن.

فاریاب ولایتیده کی یازوچیلردن استاد تاشقین بهایی گه کوره مملکتده شکلله نیب اوتگن بیر تمانلمه تعصبلی

قومی سیاسی توزوم لرحاکمیت لردوره لریده اوزبیک تیلیده بعضی دولتی اداره لرده گپیرگن شخص لرجریمه بیریشگه توغری کیله یاتگن بیر پیتده خداینظرعابرایسه قورقمسدن جسارت بیلن فارسچه اوزبیکچه تیللرده یره تگن تنقیدی شیروشکرقالیبیده گی شعرلرینی فاریاب کونده لیک نشریه سیده چاپ ایتدیره باشله گن

شونینگ دیک شاعریازووچی استاد محمد کاظم امینی گه کوره خداینظرعابر نفقط بیرشاعربولگن بلکه ملی کوره شوچی شخصیت لردن بیری بولیب اوشه دورده گی ملی دعوا قیله یاتکن ایریم جریانلرده گی بیرقطارشخص لربیلن فکرداش بولیب یقین علاقه ده بولگن.

شوکبی اوبیرعصرایچیده افغانستان مطبوعاتیده ملمع یاشیر-شکرقالبیده اوزبیکچه و فارسچه تیللریده شعرایجادایتگن بیرینچی شاعرجمله سیگه کیره دی .

حیاتده بولگن عابرنینگ ایجاد ایتگن اوزبیکچه فارسچه ملمع قالیبیده یره تگن شعرلریدن تشقری خالص اوزبیکچه ودری تیللریده ایجاد ایتگن شعرلری هم بولگن

خداینظرعابراوزی ایسه بویولگه قوییلگن احتفال خصوصیده باشی کوککه ییتگن لیگی نی ایتیب شونده ی بیرکون نینگ حیاتده کوریب بوندن نهایت خورسند بولگن لیگیدن سوزیوریتدی .

عابرنینگ ایجادیاتی فقط گینه بیرنظم ایجادقیلیشگه چیکله نیب قالمه ی بلکه طنزی موضوعلرنی هم اوزایچیگه آلیب فعالیتی دوامیده یازیب یرتگن .

Image caption عابر نینگ نظمی و نثری اثرلری حاضر گه چه کتاب شکلیده چاپ ایتیلمه گن

اونینگ یره تگن شعروطنزلریدن بیرقسمی طالب لرنینگ حکومتی دوریده کویدیریلیب حاضرده حادثه لردن سقله نیب- امان قالگن اثرلری فقط 2000ته دن-3000ته بیت گه ییتیشه دی .

کوپگینه ییللرمعنویت ساحه سیده زحمت لرچیکیب قلم تیبره تیب ،عمری نینگ کته قسمینی بویولده صرفله گن عابرجنابلری حاضرگه قدرایجاد قیلگن اثرلرینی تورلی سببلرباعث توپلم شکلده چاپ ایتیب چیقاریشگه قادربولمه گن اما اونینگ اثرلریدن بیرقسمی ایسه اوشه گلگی فاریاب "ستوری " دولتی کونده لیگی وحاضرگی فاریاب دولتی هفته لیک جریده سیده بیرنیچه ییل آلدین گه قدر نشرایتیلیب کیلینگن .

میمنه شهریده یولگه قوییلگن ایجادی احتفا ل یکونیده بیرقطار اشتراکچی ملی فرهنگی کیشی لرتمانیدن شاعراثری توپلم شکلده چاپ ایتیلیشی اوچون مادی یاردم بیریلدی.

قوییده گی ملمع یا شیر-شکرقالیبیده یره تیلگن خداینظرعابرنینگ شعرنمونه لریدن بیرپارچه سی

خون دل ازدیده ام آقدورمــــــه ســـین دلاک لر

مشتری رارنج لرییتگورمـــــــــه سین دلاک لر

ساچ ایله سقال آلورمیندین بوبی انصـــــــاف لر

همچومن بیچاره را اولدورمه ســــــین دلاک لر

چاک ایتیب پوست سرویوزیمگه قان ایلب روان

عفوایتینگ دیب پخته یاپیشتیرمه سین دلاک لر

فارغ ازفاکولته دندان کشـــــــــــی بودیم دیبان

تیش بیله الاشه نی سیندورمه سیــن دلاک لر

پاکی های نا تراش نا خــــــــــــراش خویشرا

عیبی یوق اصلا مینی قیلدورمه سین دلاک لر

ازقف صابون پرمویش خــــــــــدا را دوستان

ایتینگیزآغزیم ایچی تولدیرمه سین دلاک لر

دستمال پرزمکروب وکثیف وچـــــرک خود

قاچیریب کیتگونچه بیریویدیرمه سین دلاک لر

نوت پنجی بیرگن آدم لرگه ایلـــــــــب احترام

ایکی لیک بیرگن قانین آقدیرمه سین دلاک لر

ایلانگیزتهدیدبولسین لرنظافـــــــــــــــتدن خبر

خویش را بر هرکسی سوکتیرمه سین دلاک لر

ای رییس بلدیه عابر تمـــــــــــــــــــــــنا میکند

کنترول ایله نگ بوحالده تورمه سین دلاک لر