روسیه افغانستانده اورنینی کینگیترماقچی

روسیه جمهورریسی دیمتری مدویدیف روسیه مستقل وبرقرار بیر افغانستاننی کوریشینی ایستیدی دیب ایتگن. همده کرزی بیلن اوچره شگنیدن کیین هرایلکه دولت رهبرلری اره سیده ایریم قتصادی علاقه لر خصوصیده کیلشوو امضاله گن.

عینی دمده روسیه جمهور رئیسی ، امرکیا ایتکیچیلیگیده کی ناتو اتفاق کوچلری ننیگ افغانستان ده موفقیت قازانیشلری و افغانستان گه برقرارلیک اورنه تیلیشینی ایسته یاتگن لیگینی معلوم قیلگن. افغانستان جمهور رئیسی حامد کرزی کونی کیچه ایکی کونلیک رسمی سفر بیلن روسیه گه بارگن ایدی، شو نینیگ دیک بوگون ایکله دولت رهبرلری ترقتگن قوشمه بیانات نامه ده جناب مدویدوف افغانستان جمهور رئیسی نینگ ،افغانستان گه کیلیشی خصوصیده کی چقیریقینی قبول قیلگن لیگی معلوم قیلینگن.

هر چند بو حامد کرزی ننیگ افغانستان جمهور رئیسی ایتیب سیلنگن لیگیدن بیری بیرینچی مرته مسکو گه کیلیشی ایمس ، اما بو او نینگ بیرینچی رسمی سفری سنه له دی .

روسیه جمهور رئیسی دیمیتری مدویدیف بیلن اوچرشگنیدن سونگ ، روسیه جمهور رئیسینی افغانستان گه کیلیشگه دعوت قیلگن لیگینی ایئتدی.

قریب 30 ییلدن بیری هر ایکله مملکت رابطه لری افغانستان نینگ 1979 نچی ییلده شورا اتفاقی تمانیدن اشغال ایتیلگن لیگی و اون ییل دن کیین اولر نینگ مجاهد لر نینگ باسیملری بیلن ممکلت نی ترک ایتگن لیک لری بیلن ، بیلگی له نیب کیلینماقده .

حامد کرزی هم اوشه پیت شورا اشغالیتیگه قرشی کورشگنلر صفیده بولگن فقط اورشگن لر جمله سیده ایمس بلکه اولرگه مالی یاردم ییغوچیلر جمله سیگه.

حاضر ایسه او مسکو ده حرمتلی بیر مهمان صفتیده قبول قیلنماقده .

افغانستان و امریکا قوشمه ایالتلری اورته سیده رابطه لر ترنگلشگنی بیلن روسیه قیته اوز روابطه لرینی قیته تیکلشگه اینتیله باشله گن.

حکومت ترکیبیده کی وزیرلر دن عبارت بولگن ییریک بیر هیئت بیلن روسیه گه سفر قیله یاتگن جمهور رئیس کرزی ، یاردم تیلش اورنیگه روسیه بیلن کوچلی سودا و سرمایه یاتقیزیش ساحه سیده رابطه قوریش نیتیده ایکن لیگینی معلوم قیلدی.

حامد کرزی بیلن قوشمه مطبوعات ییغینیده گپیرگن روسیه جمهور رئیسی دیمیتری مدویدیف روسیه نینگ افغانستان ده کی رولینی کوچه تیریش استگیده ایکن لیگی نی معلوم قیلدی. "بیز خواه لیمیز روسیه افغانستان ده کی اورنینی بیر ان تورده کینگیتیرسه روسیه فدراسیونی و افغانستان اورته سیده کی تاریخی و اقتصادی علاقه لر سابق شورا اتفاقی زمانیدن بیری مکستحکم بولیب کیلگن. افغانستان لیک متخصص لر روسیه ده تیارگرلیکلردن اوتکن و روسیه لیک متخصص لر یاردمی بیلن ریجه لر عملگه اشیریلگن. مینیمچه بو ایجابی بیر نیرسه و بونی کیله جکده هم دوام بیریشیمیز کیرک "دیب ایئتکن روسیه جمهور رئیسی.

افغانستان جمهور رئیسی حامد کرزی اوشبو سفریدن اساسی مقصدنی هر ایککی اولکه اره سیده سودا علاقه لرینی مستحکم لش و روسیه جمهور رئیسی دمیتری مدویدیف نی رسمن اوز اولکه سیگه چقیریش بولگن لیگینی معلوم قیلگن.

شورا اتفاقی ننیگ قوشون لری 1989 نچی ییلده افغانستان نی ترک ایتگن لریدن بیری ف هیچ بیر روسیه رهبری افغانستان گه رسمی سفرده بولمه گن.