افغانستان نینگ ایران نی آگاه لنتیریشی

افغانستان حکومتی گه کوره اگر ایران چیگره ده تاختب قالگن یاقیلغی ماده لر تانکرلرینینگ اوتیشیگه رخصت بیرمه سه ، اونده غربی چیگره نی یاپیب قویه دی لر.

افغان مقام لریگه کوره ایران حکومتی وعده بیرگن بولسه ده بیراق افغانستان یاقیلغی ماده لری تانکرلری ایران چیگره سیدن اوتیشگه رخصتی یوق.

افغانستان تجارت وزیرلیگی ، اگر ایران حکومتی تانکر لر نینگ کیریب کیلیشیگه قرشی لیک کورستسه اونده بیز ایران بیلن چیگره میز نی یاپیب قویه میز دیب آگاه لنتیرگن.

افغانستان اقتصاد وزیرلیگی هم ، اگر افغان عالی رتبه هیات لری نینگ ایران سفری نتیجه بیریشی خصوصیده تظمین بیریلمس ایکن اونده بوندی سفر لر دن صرف نظر ایته میز دیب ایتگن.

شوندی بیر حالتده افغان مقام لریگه کوره بو تانکر لر نینگ تاختب قالیشی بیر آیده افغانستان اقتصادیگه میلون لب دالر ضرر کیلتیرگن و اولر ایران حکومتی افغان تاجرلریگه غرامت پولی تولش موضوع سینی جدی آله میز دیب ایتگن لر .

افغان مقام لر یگه کوره افغانستان و ایران چیگره سیده تاختب قالگن یاقیلغی ماده لر نینگ حرکتی بوگوندن باشله نیشی کوتیلگن بولسه ده بیراق بو تانکر لر هنوز هم چیگره ده تاختب قالگن.

ایران نینگ کابلده گی ایلچیسی سه شنبه کونی حامد کرزی بیلن اوچره شیب کیله جک 4 کونده برچه یاقیلغی ماده لر تانکر لری افغانستانگه اوته دی دیب وعده بیرگن ایدی .

هرات چیگره باشلیغی خلیق الله گه کوره بو تانکر لر نینگ اوتیشی بوندن آلدینگی دیک بولیب ، هیچ قندی اوزگریش کیلمه گن.

شوندی بیر حالتده افغانستان مالیه وزیری، اقتصاد ، و تجارت وزیرلیکی اورین باسری دن تشکیل تاپگن بیر هیات کیله سی هفته ایران گه سفری کوزده توتیلگن

افغانستان اقتصاد وزیری ارغندیوالگه کوره بو سفر دن اساسی مقصد چیگره ده تاختب قالگن یاقیلغی ماده لری ترانزیت قیین چیلیگی نی حل ایتیش دیر.

شوندی بیر حالتده ایسه اقتصاد وزیری ارغندیوال جناب لریگه کوره اگر اولر نینگ باریشی نتیجه سی تضمین بولمه سه اونده اولر بو سفرنی بیکار ایته میز دیب ایتگن.

افغانستان مالیه وزیری عمر زاخیلوالگه کوره ایران تمانیدن بو تانکر لر نینگ تاخته تیلیشی هر آیی میلیونلب دالر ضرر نی افغانستان دولتی ، تجارت چی لری همده عادی اهالیسیگه آلیب کیلگن.

"یاقیلغی ماده لر نینگ ایران و افغانستان چیگره سیده تاختب قالیشی و پاکستان بیلن قیینچی لیگی میز بارلیگی اوز تاثیرینی قویگن. مینی نظریمیده فقط گینه مالی جهتدن حکومت نینگ فایده سی بیر |آیده 40 – 50 میلیون دالر ضرر کورگن.بو ضرر نینگ اهالیگه اقتصادیگه قنچه لیک تاثیر قیلگنی باشقه بیر گپ. بو فقط مالی ضرر مقداری دیر"دیب ایتگن افغانستان مالیه وزیری.

بیراق افغانستان تجارت اتاق لری پالیسی علاقه لر باشلیغی احمد توفیق داوری گه کوره اولر بو مساله گه یینگیل لیک بیلن قره میدی لر .تانکر لر نینگ اوتیشی خصوصیده گی معما حل بولیشی بیلن اولر افغان تجارتچی لری کورگن ضرر خصوصیده ایران مقام لری بیلن جدی صحبت قیلیش لرینی ایته دی.

"تجارت چی لریمیز نینگ2000 دن آرتیق تانکر لری چیگره ده تاختب قالگن و هر بیر تانکر نینگ بیر کونده 100 دالردن آرتیق خرجتی بار.و بیز افغانستان تجارت اتاق لری خصوصی سکتورلر همده تجارتچی لری نماینده لیگی ده تجارتچی لریمیز قیلگن آرتیچه خره جت و کورگن ضرری خصوصیده اولتیریب صحبت قیله میز و بو موضوع نی بیز جدی کوزه ته میز."

ایران چیگره سیده بو تانکر لر نینگ تاختب قالیشی هر ایککی مملکت آره سیده کی مناسبت لرنی خیره لشتیرگن.افغانستان تجارت اتاق لری آلدینگی هفته افغان تجارت چی لری ایران بیلن بولگن برچه واردات و صادرات لرینی تاخته تیب قویگنی نی اعلام ایتگن ایدی

ایران حکومتی یاقیلغی ماده لر نینگ تاخته تیب قوییشی نینگ سبب افغانستان ده گی خارجی کوچ لر اختیاریگه قوییلشدن خواطرده لیگی نی ایتگن ایدی .

بیراق افغانستان حکومتی و خارجی کوچ لر بو موضوع نی رد ایتیب کیلگن

افغانستان ایچکی بازارده یاقیلغی ماده لر کم چیلیگینی حل ایتیش مقصدیده اورته آسیا و روسیه دن یاقیلغی ماده لر نی ساتیب آلیش چاره تدبیر لرینی کورگن ایدی.