وزیراکبرخان ده گی پارتلشده سکیز کیشی قربان بولدی

Image copyright AP
Image caption پارتلش وزیر اکبر خان منطقه سی نینگ 15 کوچه سیده جایلشگن "فاینست " مغازه سیده روی بیرگن .

پایتخت کابلده خارجی لیکلر کوپراق سودا قیله دیگن دکان لردن بیریگه هجوم اویشتیرلگن. حادثه ده سکیز نفر نینگ هلاک بولگنی ایتلماقده.

هلاک بولگن لر آره سیده ایککی عیال و بیر باله نینگ هم بارلیگه ایتلگن.

پارتلش پایتخت کابل نینگ وزیراکبر خان منطقه سیده گی مغازه لردن بیریده روی بیرگن.وزیراکبر خان منطقه سی خارجی لرکوپ استقامت قیله دیگن منطقه لردن بیری حساب لنه دی .

خودکش هجومچی اول دکانگه قره ته اوق آچیب ، کیین اوزینی پارتله تیب یوبارگن.بی بی سی مخبرنینگ ایتیشچه ، اوشبو دکان قورالی قوروقچی لر تمانیدن حمایه قیلنگن و پلیس نظارت نقطه سیگه یقین جایده جایلشگن.یقندن بیری پایتختده قطار هجوملر عملگه آشیرله دی .

بی بی سی مخبریگه کوره پارتلش "فاینست" مغازه سی ایچیده روی بیرگن.

هلاک بولگن لرنینگ کیم لیگی حاضرگچه معلوم ایمس.

حادثه ده کمیده آلتی نفر نینگ یره لنگنی هم ایتلگن.پارتلش روی بیرگن مغازه ده خارجی لر کوپراق سودا قیلشه دی .

حادثه گواه لری پارتلش ضرب دن یان اطرافده گی بنا لرنینگ آیینه لرتوکلیب توشگنینی ایتدی لر.

حادثه محلی پلیس کوچلری تمانیدن اورب آلینگن.

گلبدین حکمتیار رهبرلیک قیله دیگن حزب اسلامی پارتلش مسئولیت نی قبول قیلگنلر.

عینی دمده طالبان ایسه پارتلش اولرنینگ نفرلری تمانیدن عملگه اشیرلگن دیب ایتشماقده .