ملی کینگاش ریاستی ایککینچی سیلاولرده هم نتیجه سیز قالدی.

Image copyright BBC World Service
Image caption سیاف همده قانونی جنابلری ، پایتخت کابل دن ملی کینگاش گه یول تاپگن لر. شو نینگ دیک هر ایککله کیشی ، جهاد باشلیغ لریدن سنله دیلر.

افغانستان ملی کینگاشی بیرینچی رسمی یغلیش لریده ، اوشبو کینگاش رییسی نینگ سیله نیشی اوچون ایککی مرته سیلاولر یولگه قوییب ، بیرینچی همده ایککینچی سیلاولرده هیچ بیر نامزد یوتوقگه ایریشمه دی.

نتیجه سیز بیرینچی سیلاولرده عبدالظاهر قدیر ، میرویس یاسینی ، عبدالرب رسول سیاف همده محمد یونس قانونی نامزد ایدیلر.

ملی کینگاش ریاستی نینگ قولگن کیلتیریشی اوچون بیرینچی سیلاولرده حاجی عبدالظاهر قدیر ، 34 رأی بیلن ، میرویس یاسینی 44 رأی بیلن ، عبدالرب رسول سیاف 77 رأی بیلن و محمد یونیس قانونی 84 رأی بیلن قیله آلمه دیلر ، عالی مجلس نینگ ریاستی گه ایتیشسه لر.

اوشبو سیلاولر ایککینچی دورگه کیرگن دن کیین ، محمد یونس قانونی بیلن عبدالرب رسول سیاف ایککنچی سیلاولرده بیلله شو گه چیقیب اوشبو نامزد لردن هیچ بیریسی یوتوقگه ایریشمه ی ، ملی کینگاش ریاستی نینگ مسوولیتی ینه انیق سیز بیر شکلده قالدی.

ایککینچی سیلاولرده عبدالرب رسول سیاف 119 رأی و محمد یونس قانونی ایسه 116 رأی آلدی لر عین حالده بیر رأی باطل و 8 رأی صندوقگه آق تشله نگن بیر حالده ، اوشبو نامزد لردن هیچ بیریسی یوتوقگه ایریشمه ی ، ملی کینگاش ریاستی نینگ مسوولیتی ینه انیق سیز بیر شکلده قالدی.

ملی کینگاش نینگ ایچکی وظیفه لر اصولی گه کوره ، اگرده ایککینچی دورده گی سیلاولرده هم هیچ بیر نامزد یوتوقگه ایریشمه سه ، ملی کینگاش نینگ ایچکی وظیفه لر اصولی گه اوزگریش کیلیشی لازم.

ملی کینگاش نینگ وقتینچه لیک رییسی ، محمد سرور عثمانی ایککینچی سیلاولر نتیجه سیز قالگن دن کیین ، اوشبو مسئله نی یرته حل قیلیشی نی اورغوله دی.

"یرته جلسه آلیب بو باره ده تصمیم آله میز ، باشقه هیچ بیر یول یوق . یرته جلسه آلیب ، اوچینچی دور ده گی سیلاولر خصوصیده تصمیم آله میز"

پارلمان قانونی گه کوره ، ملی کینگاشی ریاستیده غالب بوله یاتگن کیشی ، 50 دن بیر فایز کوپ رأی نی قولگه کیریتیشی کیره ک.

سیاف جنابلری ، بیرینچی ملی کینگاشیده هم قانونی جنابلری بیلن رقابتده چیقیب ناکام قالگن ایدی. او کیشی بیرینچی و حاضر گی ملی کینگاشیده جمهور رییس کرزی نینگ حمایتی آستیده بولگن.

مقابلده ، کرزی جنابلری نینگ سیاسی مخالف لری جمله دن داکتر عبدالله عبدالله باشچیلیغیده گی تغییر و امید ائتلافی نینگ طرفدارلری ایسه قانونی جنابلری نینگ نامزد لیگی دن حمایت بیلدیره دیلر.

قانونی جنابلری یوروتگن سوز لریده ، ملی کینگاش ریاستیده بیش ییل لیک تجربه سی بارلیگی دن سوز یوریتدی اما سیاف جنابلری ایسه ، ملی کینگاش ریاستی نینگ قولگه کیلتیریشی بیلن ، ملی وحدت نینگ محکم قیلیشی اوچون سعی قیلشی نی معلوم قیلدی.

سیاف همده قانونی جنابلری ، پایتخت کابل دن ملی کینگاش گه یول تاپگن لر. شو نینگ دیک هر ایککله کیشی ، جهاد باشلیغ لریدن سنله دیلر.

سیاف جنابلری ، پشتون قومی گه تیگیشلی بولیب ، اتحاد اسلامی دیگن حزب نینگ رهبری صفتیده سیاسی فعالیت قیلیب کیلگن. شو نینگ دیک قانونی جنابلری ایسه ، تاجک بولیب ، برهان الدین ربانی باشچیلیغیده گی جمعیت اسلامی حزبی گه یقین بیر شخص صفتیده فعالیت قیلگن . عین حالده قانونی جنابلری ، کرزی حکومتی باشلگنی دن سونگ حاضر گه قدر ایچکی ایشلر وزیری ، معارف وزیری همده بیرینچی ملی کینگاش نینگ رییسی صفتیده ایشلب کیلگن.