ملی کینگاش: دایمی رییس نینگ سیله ش اوچون ینگی سیلاولر یولگه قویله دی

Image copyright BBC Pashto
Image caption ریاست چوکی سی نینگ آلیشی اوچون ایککی سیلاولر نتیجه سیز قالیب اما کیله سی بیش ییل گه چه کیم آلیشی حاضر گه قدر هم معلوم ایمس

افغانستان ملی کینگاشی بوگونکی جلسه سیده اوچینچی سیلاولرنی یولگه قویشیده کیلیشمه ی ، یرته ده گی جلسه ده ینگی رییس نینگ سیله نیشی اوچون ، قرار بیردی.

ملی کینگاش نینگ توناون کی یغلیشیده ، اوشبو کینگاش رییسی نینگ سیله نیشی اوچون ایککی مرته سیلاولر یولگه قوییب ، بیرینچی همده ایککینچی سیلاولرده هیچ بیر نامزد یوتوقگه ایریشمه دی.

اما بوگونکی جلسه ده ساعت لر چه بحث لر یولگه قوییلیب نتیجه ده ینگی کیشی لر اوز لرینی ملی کینگاش نینگ ریاستی نی قولگه کیلتیریش اوچون نامزد قیله دیلر.

یرته ده گی سیلاولرده ، بیرینچی و ایککینچی سیلاولرده گی نامزد لر نینگ حق لری یوق اوز لرینی قیته دن نامزدلیک روی خطیده کیریتسه لر.

ملی کینگاش نینگ اعضالری ، اوشبو معما نینگ حل بولیشی خصوصیده تورلی فکر و ملاحظه بیلدیر دیلر . اعضالر بیر قنچه سی عبدالرب رسول سیاف بیلن قوشیمچه ، توناون کی نتیجه نینگ تایید بولیشی اوستیگه تاکید قیلدیلر اما باشقه تماندن ، محمد یونس قانونی بیلن قوشیمچه ، بیر قنچه ملت وکیلر ایسه ، یوزه گه چیقگن اوشبو معما نینگ قانونی شکلده حل قیلیش اوچون ینگی نامزد لر ینگی سیلاولر ده قتنه شیب ، ملی کینگاش دایمی رییسی نینگ سیله نیشی اوستیگه تاکید قیلدیلر.

ملی کینگاش نینگ وقتینچه لیک رییسی ، محمد سرور عثمانی ملت وکیل لر فکر و ملاحظه لری نینگ تیکشیریشی دن کیین ، ینگی سیلاولر یولگه قوییلشی نی قرار آلدی.

"توناون بیز و سیز لر سیلاولر نینگ یولگه قوییب ، بیر انیق نتیجه آله آلمه دیک . شو نینگ دیک ایچکی وظیفه لر اصولیده اوزگریش کیلتیریشی هم تایید بولمه دی. بو مسئله آرشیف ده هم ثبت بولگن. اکثریت آواز بیلن تصویب بولگن بیر قانون نینگ اوستیگه وجداناً توخته ش کیره ک.

قانون نینگ 108 نچی ماده سی همده 8 نچی ماده سی بو مسئله اوچون صراحتی بار. بنأ یرته سیلاولر یولگه قویه میز و بو مسئله بیز نینگ یرته ده گی آجندا میز دیر دیب ایتدی ، ملی کینگاش نینگ موقت رییسی محمد سرور عثمانی. "

توناونکی ایککینچی سیلاولریده عبدالرب رسول سیاف 119 رأی و محمد یونس قانونی ایسه 116 رأی آلدی لر عین حالده بیر رأی باطل و 8 رأی صندوقگه آق تشله نگن بیر حالده ، اوشبو نامزد لردن هیچ بیریسی یوتوقگه ایریشمه ی ، ملی کینگاش کیله جک دایمی ریاستی نینگ مسوولیتی انیق سیز بیر شکلده قالدی.

شو نینگ دیک توناون کی سیلاولرده نامزد قیلگن ملت وکیلر لر هم ملی کینگاش نینگ ایچکی وظیفه لر اصولی اساسیده یرته ده گی سیلاولرده نامزد قیلیشگه حق لری یوق.

اوشبو کیشی لر محمد یونس قانونی ، عبدالرب رسول سیاف ، عبدالظاهر قدیر و میرویس یاسینی دن عبارت دیر.

ایندی بولسه یرته ده گی کوتیله یاتگن سیلاولرده کیم لر اوز لرینی ریاست نی قولگه کیلتیریش اوچون نامزد قیله دیلر حاضر انیق ایمس .

باشقه تماندن ، افغانستان سنا مجلسی هم ، جمهور رییس کرزی انتصابی سناتور لرینی معرفی قیلمه گن بیر حالده اوشبو مجلس رییس و اداری هیتی نینگ سیله دیلر. سنا مجلسی نینگ اعضا لری ، اوشبو سیلاولر نینگ قانون ماس دیشیب ، کرزی جنابلری انتصابی سناتور لرنینگ پارلمان آچیلیشی دن آلدین معرفی قیلیشی کیره ک لیگی نی معلوم قیلگن لر.

حاضر گه قدر جمهور رییس کرزی ینگی انتصابی سناتور لرنی سنا مجلسیده تانیشتیرمه گن.

اما بعضی حکومتی منبع لرگه کوره ، جمهور رییس کرزی ، ناراض نامزد وکیل لرنینگ بیر نیچه کیشی سی نینگ سنا مجلسی ده تانیشتیریش اوچون ، حاضر گه قدر انتصابی سناتور لرنی تانیشتیرمه گن. معلومات لرگه کوره . مخصوص محکمه نینگ آخیرگی قراری اعلام بولیشی دن کیین ، ملی کینگاش نینگ بعضی اعضالریگه اوزگریش کیلیش سوز لر موجود.

اوشبو منبع لر گه کوره ، مخصوص محکمه نینگ آخیر گی قراری معلوم بولمه گنی باعث جمهور رییس کرزی ناراض توخته گن نامزد وکیل لر نینگ انتصابی سناتور صفتیده سیله نه آلمه گن.