مخصوص محکمه نماینده لر کینگاشی نینگ اوچ اعضا سی نی محکمه گه چقیرگن

سیلاو شکایت لریگه ایتیشوچی مخصوص محکمه افغانستان نماینده لر کینگاش نینگ اوچ اعضا سی نی سیلاو جریانیده قلاب کار لیک لرده قولی بارلیکده عیب له گن همده اوشبو شخص لر محکمه گه حاضر بولیش لرینی ایسته گن.

شوندی بیر حالتده اوشبو محکمه سیلاو کمیسیونی دن تیکشیرو جریانی شفاف بیر شکلده بولیب اوتیشی اوچون افغانستان نینگ 34 ولایتی گه تیگیشلی برچه رای صندوق لری نی قرنطین قیلیش لرینی سوره گن.

مخصوص محکمه گه کوره بیرینچی بولیب اوشبو اولکه ده گی 12 ولایت نینگ سیلاو شکایت لری تیکشریله دی و اوشبو ولایت لر خصوصیده قرار آلینه دی .

سیلاو شکایت لریگه ایتیشوچی اختصاصی محکمه گه کوره باش قاره لاوچی تمانیدن یوباریلگن 413 سیلاو شکایتی نینگ حاضرگه قدر 12 ولایت گه تیگیشلی بولگن قرییب 168 شکایت نی کوریب چیقگن لر. بیرینچی بولیب منه شو ولایت لر نینگ تیکشیرو نتیجه لرینی اعلام ایته دی لر.

کابل، هرات،بلخ،بدخشان،فاریاب،سمنگان،قندهار،ننگرهار،زابل، کندوز، بغلان، همده هلمند منه شو ولایت لر دن دیر.

اختصاصی محکمه باشلیغی صدیق الله حقیق گه کوره اوشبو شکایت لر نینگ بیر قنچه سی نماینده لر کینگاشی اعضا لریگه تیگشلی دیر. اوشبو محکمه پارلمان گه یوبارگن جلب بوییچه اوچ کیشی نینگ محکمه گه حاضر بولیشی نی ایسته گن. حقیق جناب لری بو شخص لر نینگ کیم لیگی خصوصیده هیچ نرسه دیمه دی بیراق اوشبو نماینده لر فاریاب، تخار همده پکتیکا دن ایکن لیک لرینی ایتیب اوتدی

حقیق جناب لری شکایت لر نی تیکشیریش جریانی تینیق بیر شکلده بولیب اوتیشی مقصدیده اوشبو اولکه سیلاو کمیسیونی دن 34 ولایت گه تیگیش لی بولگن برچه رای صندوق لری نی قرنطین قیلیش لرینی ایسته گن.حقیق جناب لریگه کوره اختصاصی محکمه تناون بیر قرار چیقاریشگه مجبور بولگن . اونگه کوره اولکه بویلب قیین چی لیک اورته گه کیلمس لیگی اوچون 34 ولایت گه تیگیش لی کمیسیون آلدیده موجود برچه صندوق لر و محرم حجت لر 15 کیشی دن عبارت بیر هیات قرشیسیده مهر لاک بولیشی لازم.

شوندی بیر حالتده اختصاصی محکمه سیلاو کمیسیونی نی ینه بیر بار اولر بیلن همکارلیک قیلمسلیککه عیب له گن.

حقیق جناب لری اوشبو محکمه جمهور ریس حامد کرزی بویوروغیگه اساسا ایجاد ایتلگن و سیلاو کمیسیونی یاردم بیرسه- بیرمه سه یاکی نماینده لر کینگاشی بو محکمه نینگ قانونی لیگی نی تن آلمه سه ده ، اوز ایشیگه دوام بیریشی و نتیجه ایسه چیقاریلیشی نی ایتگن .

سیلاو کمیسیونی بوندن آلدین شکایت لر گه ایتیشیش فقط گینه سیلاو کمیسیونی صلاحیت لری دن و هیچ قندی بیر نهاد اونگه اره لشیش حقیگه ایگه ایمس دیب ایتگن ایدی.سیلاو کمیسیونی باش قانون نیگ عملی بولیشی نی نظارت ایتوچی کمیسیون دن اختصاصی محکمه نیگ قانونی لیگی همده صلاحیت لرینی آچیق لب بیریش نی ایسته گن.