" خلقنی پلیس گه بولگن ایشانچی آشگن "

Image caption بیرلشگن ملت لر تشکیلاتی ، شونده ی بیرحالده خلق نینگ رضایتی پولیس دن کوپه یگن دیب ایته دی کیم بوندن آلدین ، خلق کوپراق پولیس نینگ یمان برخورد قیلیشی دن تنقید قیلر ایدیلر.

افغانستان پولیسی خصوصیده بیرلشگن ملت تشکیلاتی تمانیدن اوتکزیلگن عاممه وی سوراو نتیجه سیده ، افغانستان خلقی نینگ پولیس گه بولگن ایشانچی اوتگن ییل گه قرگنده 34 فایز آشگنی معلوم قیلینگن.

اوشبو رقم اوتگن ییلگه قرگنده اون فایز کوپه یگن.

اما عین زمانده ، بیرلشگن ملت لر تشکیلاتی نینگ یولگه قویگن اوشبو فکر اورگنیش ریجه سیده ، پولیس اداره لریده 60 فایز فساد نینگ موجود لیگی همده پلیس نینگ خلق بیلن ضدیت لی یانداشیش لری هم کورسه تیلگن.

مذکور گزارشده ، پولیس نینگ مخدره ماده لرگه معتاد لیگی همده اوشبو ماده لرنینگ قاچاقیگه قولی بارلیگی هم ایتیلگن.

باشقه تماندن ، افغان رسمیلری ، اوشبو فکر اورگنیش ریجه سی نینگ بیر نیچه قسمی نی تایید قیلیب ، مذکور سوراو لردن قولگه کیلگن نتیجه لر ، پولیس نینگ کوچه یتیریشی اوچون ، ایچکی ایشلر وزیر لیگی نینگ کیله جکده گی ستراتیژه لریده یاردم بیریشی نی اورغوله گن لر.

بیرلشگن ملت لر تشکیلاتی نینگ ترقیات بولیمیده گی اداره سی (UNDP) ، میلادی 2010 نچی ییلده مملکت 34 ولایتیده ، اوشبو سوراونی یولگه قویگن لیگی نی ایتدی.

مذکور سوراو نینگ کورسه تیشیچه ، 79 فایز خلق ، قشلاق لرده و 91 فایز ایسه شهر لرده اینیقسه پایتخت کابلده ، پولیس کوچلری دن رضایت کورسه تگن لر.

اوشبو سوراو لر اساسیده ، 71 فایز خلق پولیس گه اعتمادلری بولگنینی اورغوله ب 29 فایزی ایسه پولیس کوچلریگه نسبتاً ایشانچ سیزلیک بیلدیرگن لر.

همده مذکور سوراو نینگ معلوم قیلیشیچه ، خوف سیزلیک مسئله سی ، اوتگن ییل دن کوره ، آلتی فایز یخشی راق بولگن ،شو نینگدیک 89 فایز خلق کوندوز تمانیدن و 70 فایز خلق ایسه ، کیچه تمانیدن ، اوی لریگه تینچلیک احساس قیله دیلر.

عین حالده ، پولیس کوچلری ، تشقی کوچلر نینگ یوقیلیگی بیلن وظیفه لری نینگ یخشی بجریشی نی 63 فایز خلق اوشبو گزارش ده تایید قیلگن.

بیرلشگن ملت لر تشکیلاتی نینگ انکشافی بولیمده گی مسوول لریدن بیری ، میتیو وارشو ، اوشبو سوراو لردن قولگه کیلگن نتیجه لر خصوصیده بونده ی ایضاح له یدی.

" خلق نینگ 60 فایزی ، پولیس اداره لریگه فساد نینگ موجود لیگی همده 40 فایز ایسه ملی اردو نینگ چوکاتیده فساد نینگ موچود لیگی دن خبر بیرگن لر. پولیس ، قضایی ارگان لر بیلن رابطه سی بولگنی اوچون ، خلق نظریگه فاسد کورینه دی چونکه مملکت قضایی اداره لری کوپراق فساد گه آغشته بولگنی کورینه دی"

باشقه تماندن ، افغانستان ایچکی ایشلر وزیرلیگی نینگ خوف سیزلیک بولیمیده گی اورین باسری عبدالرحمن رحمن ، اوشبو سوراق لرنینگ بوتون افغانستانده یولگه قوییلیشی نی بوتون لی تایید قیلمه ی اما مذکور گزارش نینگ نیچه بولیمی نی تایید قیلدی.

" بیز بو گزارش گه قره ب ، کمچلیک لریمیز همده نقص لریمیزده ، متوجه بوله میز ، و خلق فکر لری هم بیزنینگ کیله جگده گی برنامه لر و ستراتیژه لریمیزده کوپ یاردم بیره دی. و بیز مذکور عامه وی سوراقلرنی یولگه قویگن لردن منت دارچیلیک بیلدیره میز. دیب ایتدی ایچکی ایشلر وزیرلیگی نینگ اورین باسری عبدالرحمن رحمن. "

بو حالتده قرگنده ، افغان رسمیلر، پولیس چوکاتیده موجود قیین چیلیک لرنی ، خلق ارا هم جمعیت مملکت لر ، اوتگن ییل لرده اوشبو کوچ لرگه کوز قره تمسلیگی باعث بولگن دیب ایته دیلر.

مملکت ایچکی ایشلر وزیرلیگیگه کوره ، حاضر پولیس نینگ تعلیم بیریش و تجهیز قیلیشیگه کوپراق کوز قره تیلگن ، و کیله سی اوچ ییل گه قدر ، پولیس کوچلری 110 منگ دن 170 مینگ کیشی گه چه کوپه ییب ، همده موچود قیین چیلیک لر اورته دن کیته دی.