ملی کینگاش نینگ مخصوص یغینی هم نیتجه سیز قالدی

افغانستان ملی کینگاش باشلیغینی سیلش اوچون یول یورقلر کوریب چیقیش خصوصیده بولگن ملی کینگاشی نینگ بوکونگی مخصوص جلسه سی هم نتیجه سیز قالدی.

افغانستان نماینده لر کینگاشی نینگ آچیلیشیدن قرییب اون کون اوتماقده، بیراق نماینده لر تورت مرته بولیب اوتگن سیلاو جریانیده هم اوشبو کینگاش رییسی نی سیلیش گه موفق بوله آلمه دیلر .

آلدینگی هفته نماینده لر بوگون گی مجلسده کینگاش رییس نی سیلش مقصدیده بیر یول نی ایلگری سوریشگه کیلیشگن ایدیلر.

بیراق بوگونگی اوزاق بحث لر دن سونگ هم نماینده لر کینگاشی تورلی فکر و نظر لر دن بیرینی تنلشگه ایریشه آلمه دیلر.

نماینده لر کینگاش نینگ ییغیلیشیده نماینده لر تمانیدن تورلی فکرلر ایلگری سوریلدی، اوشبو فکر لر دن بیری نماینده لر کینگاشی نینگ ایچکی وظیفه لریده اوزگرتیریش کیلتیریش بولیب باشقه تماندن ینگی چهره لر نی اورته گه کیریب کیلیشیگه امکان بیریش ، همده اوشبو بحث نی حل ایتیش اساسی قانوننی عملی بولیشینی نظارت ایتوچی کمیسیون گه تاپشیریش ایدی .

نماینده لر کینگاشی نینگ بیر قطار اعضا لری کینگاش نینگ ایچکی وظیفه لری قانون اصولیگه کوره کینگاش ریسی صفتیده سیلنگن شخص 50 فایز +1 رای نی آلیشی گه بیر آز اوزگرتیریش آلیب کیلیش و نتیجه ده اینگ یوقاری راینی آلگن کیشی باشلیغ صفتیده سیله نیشی نی تاکید قیلر ایدی لر .

بیراق اوشبو مجلس نینگ باشقه بیر قنچه اعضا لری اوشبو قانون گه اوزگرتیریش کیلتیرمس لیک نی استه شر دی و اولر پارلمان ریسی صفتیده ینگی چهره لر اورته گه کیریب کیلیشگه امکان یره تیش لازم لیگی نی تاکید له دیلر .

آلدینگی هفته پارلمان باشلیغینی سیلش خصوصیده یولگه قوییلگن سیلاو ده آق رای لر نینگ کوپ بولگنی جدی معما نی یره تگن ایدی.

نماینده لر کینگاشی نینگ بیر قنچه اعضا لری منه شو آق رای لر غیر حاضر صفتیده قبول بولیشینی ایستب چیققن ایدی لر، بیراق بو فکر جدی قرشی لیکلر بین یوزمه یوز بولدی .

شوندی بیر حالتده نماینده لر کینگاشی نینگ وقتینچه لیک ریسی سرور عثمانی بوگون گی ییغیلیش شو ییرده تاخته لیشی و بحث لر گه ایرته یکشنبه کونی دوام بیریش لرینی ایتدی .

افغانستان نماینده لر کینگاشی نینگ آچیلیشیدن قرییب اون کون بولماقده ، اوشبو کینگاش نینگ رییسی نی تنلش نماینده لر نینگ بیرینچی وظیفه لریدن دیر.