بلخ ولایتده گی پارتلشده بیش نفر هلاک بولدی

Image caption افغان پلیس کوچلری عصیانکارلرتمانیدن مملکت نینگ تورلی منطقه لریده کوپراق نشانگه آلنه دی

بلخ ولایت نینگ چمتال ولسوالیگی ده روی بیرگن پارتلشده بیش نفر پلیس هلاک بولگن.

بلخ ولایتی رسمی لری نینگ معلوم قیلیشچه پلیس کوچلری چمتال ولسوالیگی اطرافیده گیزمه قیله یاتکن پیتی ، یول چیکه سیده اورنه تیلگن ماین گه دوچ کیلشگن.

بلخ ولایتی پلیس کوچلری سوزچی سی شیرجان دورانی روی بیرگن پارتلش ده چمتال ولسوالیگی جنایی بولیمی مسئولی نینگ هم هلاک بولگنینی معلوم قیلگن .

اونگه کوره ماین ، چمتال ولسوالیگیده فعال بولگن عصیانکارلرتمانیدن اورنه تیلگن .

طالبان سوزچی سی ذبیح الله مجاهد نینگ ایتشچه پلیس کوچلری روی بیرگن پارتلشدن کتته زیان کورگن .

رسمی لر ایسه طالبان سوزچی سی نینگ ادعا لرینی رد ایتدی.

بلخ ولایتی نینگ چمتال ولسوالیگی منطقه ده گی اینگ ناقرار حدود لریدن بیری حساب لنه دی .

بلخ ولایتی رسمی لریگه کوره سونگی آلتی آی مابینیده کمیده ییگرمه ایککی عصیانچی گروه اعضالری عینی منطقه ده کیلیب جایلشگن.