چهاردره تومن حاکمی اولدریلدی

قندوز ولایتی نینگ چهاردره تومنیده یوزبیرگن انتحاری هجومده مذکور تومن حاکمی قوشیمچه بیش کیشی هلاک بولگن.

محلی رسمیلرنی ایتییشلریچه اوشبو حادثه قندوزولایتی نینگ چهادره تومنیده یوزبیرگن، اوز بوینگه پارتلاوچی ماده لرنی اورنه تگن شخص مذکور تومن حاکمی عبدالواحد عمرخیل ایش خانه سیده کیریب باریب اوزینی پارتلتگن.

اوشبو انتحار ی هجومده چهاردره حاکمی اونینگ بیرقوریقچسی بیر پلیس عسکری وایککی عادی اهالی قربان بولگن.

طالبان گروهی سوزچیسی حادثه مسوولیتینی اوز ضیمه سیگه آلگن.

بوندن بیرنیچه کون مقدم افغانستان حکومتی یولگه قویلگن قوشمه حربی عملیات لرده قندوز ولایتی نینگ بیرقنچه تومنلری طالبلردن تازه لنگنینی خبربیرگن ایدی.

قندوز ولایتی افغانستان شمال شرقیده جایلشگن، طالبان گروهی اوزبیکستان اسلام حرکت اعضالری نینگ اوشبو ولایت ده انچه فعال بولگنی ایتیلیب کیلماقده.

ایریم گزارش لرگه کوره دولت نظارتیده بولگن بیرقنچه تومنلر ده هم قیته طالبلر حاکم بولگنی ایتیلگن.

عصیانچیلر قولگه کیریتیلگن

عینی حالده افغانستان ایچکی ایشلروزیرلیگی طالبان قوماندان لریدن بیرینی توتیلگنیدن خبربیرگن.

ایچکی ایشلروزیرلیگی تمانیدن ترقه تیلگن بیاناتده توتیلگن شخص اسمی بیلتون دیه معلوم قیلنگن. شونینگ دیک بیاناتده حبسگه الینگن شخص، طالبان نینگ مهم قوماندانلریدن بولگن حکیم الله مسعود نینگ یقین همکارلریدن ایکنی اورغولنگن.

عینی حالده افغانستان ملی استخبارات اداره سی انتحاری هجوم اویشتریش نیتیده بولگن یتتی کیشینی حبسگه الینگنینی معلوم قیلگن. استخبارات اداره مسووللریگه کوره اولردن ایکتته سی پایتخت کابلده "فاینست" فروشگاه سیده روی بیرگن انتحاری هجومده قولی بارلیگی ممکن دیشگن.

کابل شهری نینگ وزیر اکبر خان منطقه سیده کی فاینست فروشگاه سیده یوزبیرگن انتحاری هجومده کمیده سککیز کیشی هلاک بولیب اون بیش دن ارتیق کیشی یره لنگن ایدی.

ملی استخبارات اداره سی نینگ سوزچیسی لطف الله مشعل مطبوعات فعاللریگه ایتیشچه توتیلگن شخص لر پاکستانده کی طلبان عصیانچی لری بیلن علاقه ده بولیب،انتحاری هجوم اویشتریش اوچون اولردن بویوروغ آلرایکن.