افغانستان مدافعه وزیری امریکانینگ دایمی قرارگاه قوریشیدن حمایت قیلگن

افغانستان مدافعه وزیری عبدالرحیم وردک ایسه ، امریکا نینگ مملکتده دایمی حربی قرارگاه قوریشی دن حمایت قیلیب ، اوشبو مسله افغانستان ده دایمی ثبات اورنه تیلیشی اوچون ایجابی قدم دیه بهاله گن.

شونینگ دیک او امریکا نینگ بوعملی منطقه ده خوف سیزلیک نی تامین لش اوچون کفالت دیب قید ایتگن.

الدین لری هم افغانستان جمهور ریسی حامد کرزی ، بوخصوصده هر ایککله مملکت اره لریده گی بحث لرنی دوامی بارلیگی نی ایتگندی. افغانستان مدافعه وزیری بی بی سی بیلن بولگن صحبت ده بوخصوصده گی هرقندی کیلوشی قانون بویچه بولیب و خلق ایستک لر انابت گه النگن حالده عملی بولیشی ممکن لیگی نی ایتگن.

“بونگه هیچ قندی شک و شبهه یوق ، بو مملکتده ثبات نی تامین لیدی و خوف سیزلیک نی کفالت لیدی.چونکی بیزلرکوریب توریب میز امریکا ، دنیا نینگ اکثری حدودلریده حربی قرارگاهی بار اوایسه اوته اهمیت لی و اونیملی بولیشگن.بوکبی قرارگاه جمله دن ، پاکستان ، خلیج فارس، سعودی عربیه ، و مصر کبی مملکت لریده موجود دیدی او”

هرچند امریکا حربی لری 2014 . میلادی ییل نینگ آخریگه قدرمملکتنی ترک ایتش لری ریجه لنگن ، اما هرایککله مملکت اره سیده دایمی همکارلیک لایحه سی توغریسیده بحث لریولگه قویلماقده .

حال بوکبی افغانستان نینگ اوز حربی کوچی 2014 . میلادی ییلگه قدر بوتونلی مسولیت لرنی اوز ضمه سیگه الیشگه قادر ایمس دیگن شبهه لرهم موجود.

هرچند امریکا نینگ افغانستان ده دایمی قرارگاه قوریشی بو افغانستان ایچکرسیده گی ایرم گروه و بعضی قوشنی اولکه لرتمانیدن خوش قرشی لنمه سه دی اما بو مسله افغان حربی لریگه یاردم بیریش و افغانلرنی منطقه ده دستک لش اوچون اوته اهمیت لی دیب بهاله لنه دی.