افغانستان ترقیات بودیجه سینی صرف له مه گن

Image copyright BBC World Service
Image caption نجیب منلی نینگ ایتیشچه دولت اداره لری جاری ییل ترقیات بودیجه سیی نینگ یرمیدن کؤپراغینی صرف لشگه قادر بولمه گن.

افغانستان مالیه وزیرلیگی مصلحتچی سی نجیب منلی نینگ ایتیشچه دولت اداره لری جاری ییل ترقیات بودیجه سیی نینگ یرمیدن کؤپراغینی صرف لشگه قادر بولمه گن.

ننگرهار ولایت مرکز جلال آباد شهریده اوتکزگن مطبوعات یغینی ده منلی جنابلری دولت ، اداره لرده گی ایش و باشقرو تیزمینی یوکسلتریش اوچون سعی حرکت قیلماقده دیب تاکید له گن .

افغانستان حکومت کابینه سی نینگ بو هفته گی یغینی مملکت شرقیده گی ننگرهار ولایتیده یولگه قوییلگن .

جمهور رئیس حامد کرزی دن تشقری برچه دولت وزیرلری و مستقل اداره لر باشلیقلری بو یغینده قتنه شیش اوچون جلال آباد گه سفر قیلگن .

بو یغین نینگ ایککینچی کونیده افغانستان ده فعالیت قیله یاتکن خلق آرا تشکیلات لرنینگ یوقاری مرتبه لی ملازم لری کابینه و محلی ده کی آقساقالروقبیله باشلیق لری یغینیده اشترک ایتماغچین.

بولیب اوتکن کابل یغینی یوتوق لرینی کوریب چیقیش مساله سی هم بو یغینده بحث ایتلیشی کوتلماقده .

کابل یغینی بوندن ایتی آی اول بیرلشکن مللت لر تشکیلاتی باشلیغی بانکی مون و قیرققه یقین مملکت لر تشقی ایشلروزیرلرنینگ اشتراکی بیلن بولیب اوتکندی.

یغینده افغانستان خوف سیزلیک کوچ لرینی حمایت قیلیش، عصیانچی لر بیلن مذاکره آلیب باریش و بیرله یاتکن یاردم لرنی افغانستان حکومتی آرقه لی صرف له نیشیی حکومت تمانیدن تکلیف قیلنگن ایدی .

هم جمعیت دولتلر بولیب اوتکن یغینده افغانستان حکومت نینگ بو ریجه لریدن اوز حمایت نی بیلدرگندی.

افغانستان حکومتی هله قچان کابل یغینده قبول قیلیب آلینگن ریجه لرنینگ عملگه آشیره یاتکنینی ایتماقده.

جلال آباد ده گی کابینه یغینیده کابل کنفرانسیده قبول قیلیب آلینگن قرار لرنینگ قنچه لیک عملگه اشیرلگنینی کوریب چیقلیشی هم کوتله دی .

عینی دمده افغانستان شرقیده گی ننگرهار، کنر و لغمان ولایت حاکم لری هم جلال آباد شهریده یغینی اوتکزماقده.