جلال آباد ده کی کابل بانک بنا سیگه قانلی هجوم

Image copyright AFP

افغانستان ایچکی ایشلر وزیرلیگی گه کوره شرقی جلال اباد شهریده گی خصوصی بانک ده اویشتیریلگن هجومده افغان حربیلری قوشیمچه کمیده 38کیشی هلاک بولگن و 70 دن ارتیق کیشی یره لنگن

ایچکی ایشلر وزیرلیگی بوکونگی اوتکزگن مطبوعات انجمنیده هلاک بولگن لردن 21 کیشی سینی افغان حربی لری بولگنینی معلوم قیلگن.

ننگرهار پلیس باشلیغی و او نینگ اورینباسری هم بو هجومده جراحت آلیشگن.

ایریم خبرلرگه کوره هجومچی شخصلر ، چیگره پلیسی نینگ مخصوص یونفرم کیملریده بولگن.

گواه لر گه کوره باشده اوچته پارتلش صادر ایتلگن. کیین کابل بانک بنا سیگه پلیس ضابطلری کیرگچ، تورتینچی باره پاتلش اویشتیریلگن. کوپچیلیک انه شو تورتینچی پارتلشده جبر کورگن.

بعضی بیر گواه لر هجومچیلر نینگ بانک ایچیده کی لر گه اوت آچگن لیگینی ایئتگن و توقنه شوولر بیر نیچه ساعت دوام ایتگن لیگینی ادعا قیلیشگن.

طالبان سوزچیلریدن ذبیح الله مجاهد ایریم خبر آژانسلریگه اوشبو هجوم اوچون مسئولیتنی بویینلریگه آلگن و مذکور هجوم ده پلیس کوچلری گه ییریک ضرر ایتکیزگن لیگینی دعوا قیلگن.

افغانستان جمهوررئیسی حامد کرزی ، رسمی بیانات ترقه تیب هجوملرنی قاره له گن . مذکور بیاناتده هم ، کابل بانک ننیگ جلالآباد ده کی وکالتخانه سی ایچیده اوچ کیشی انتحارچی اوزلرینی پارتلتگن لیگی قید ایتلگن.

کابل بانک افغانستان ده کی اینگ ییریک خصوصی بانک لردن بیری حسابلنه دی و افغانستان ده کی کوپ گینه دولت مامورلری شو جمله ده ملی پلیس کوچلری ننیگ آیلیکلرینی ترقه تیش هم کابل بانک مسئولیتی دیر.

هر چند حادثه سببلری اینیق ایسم. ایریم لر بو آره ده اوغریلیک مقصدلرنی هم رد ایتمیدیلر اما، طالبان آیلیکلرینی آلیش اوچون بانک که کیلگن پلیس و خوفسیزلیک خادملرینی نشانگه آلگنی ائیتیلماقده .