کرزی: امریکا ، افغانستانده دایمی قرار گاه قوریشی اوچون اساسی شرط لر بار

افغانستان جمهور رییسی حامد کرزی ، امریکا دایمی قرار گاه لری نینگ توزه لیشی اوچون ، افغانستان خلقی همده قوشنی مملکت لر موافقه لری نینگ آلیشی نی اساسی شرط لردن دیدی.

جمهور رییس کرزی گه کوره ، افغانستان حکومتی مذکور مسئله اوچون یککه لیک شکلده تصمیم آلیشگه حقی گه ایگه ایمس.

کرزی جنابلری نینگ ایتیشیچه ، امریکا دایمی قرار گاه لری افغانستان ده ایجاد ایتیلشی ، مملکت ملی شوراسی همده لویه جرگه طریقی دن صورت تاپیشی ممکن.

جمهور رییس کرزی ، بوندن قریب ایککی هفته آلدین بیرینچی مرته ، امریکا نینگ ، افغانستانده دایمی قرار گاهی ایجاد ایتیلیشی اوچون ، تمایلی بارلیگی دن سوز یوریتگنی دن سونگ ، مملکت مدافعه وزیری هم انیق بیر شکلده امریکا نینگ مذکور قرار گاه لری ایجاد ایتیلیشی دن حمایت بیلدیرگن ایدی . اما بو مسئله ، کرزی کابینه سی نینگ اعضا لریدن همده جهادی شخصیت اسماعیل خان ایسه ، مملکت مدافعه وزیری جنرال عبدالرحیم وردک نینگ بیلدیرگن حمایتی دن قتیغ بیر شکلده تنقید ایتدی.

افغانستان مدافعه وزیری عبدالرحیم وردک ، امریکا نینگ مملکتده دایمی حربی قرارگاه قوریشینی ، افغانستانده دایمی ثبات اورنه تیلیشی اوچون مهم دیب ایتگن ایدی.

بو مسئله دن کیین ، جمهور رییس کرزی بوگون بیر مطبوعات انجمنی آرقه لی ، امریکا نینگ دایمی قرار گاهی افغانستانده ایجاد ایتیلشی اوچون افغانستان خلقی همده قوشنی و منطقه ده گی مملکت لرموافقه لری نینگ آلیشی اساسی شرط لردن حسابلنیشی نی ایتدی.

"بیز بیر جزیره گه حیات کیچیرمه یمیز کیم اطرافیده هیچ نیرسه بولمه سه ، بیز شونده ی بیر منطقه ده حیات کیچره میز کیم ، نه فقط ، قوشنی مملکت لریمیز بار بلکه ، منطقه نینگ بویوک اولکه لری هم بار.

بیز شونده ی بیر منطقه ده حیات کیچیره میز کیم ، کوپ کینه قیینچلیک لر همده معما لر بار.

قوشنی مملکت لر نی فکر و نظر لری بیزگه اساسی اهمیتگه ایگه ، شو نینگ دیک افغانستان ، چیگره دار مملکت لری نینگ مطمین بولیشی نی ایسته ی دی دیب ایتدی جمهور رییس کرزی"

کرزی جنابلری ، امریکا دایمی قرار گاهی افغانستانده ایجاد ایتیلشی مملکت ملی نهاد لری نینگ تصمیم لری بیلن عملی بولیشی نی اورغوله سه ده بیراق ، بوگون روسیه هم مذکور مسئله اوچون، اوزی دن جدی مناسبت بیلدیردی.

روسیه دولتی بیر بیانات آرقه لی ، افغانستان و امریکا مابینیده ، امریکا نینگ دایمی قرار گاهی مذکور مملکتده ایجاد ایتیلیشی خصوصیده گی مذاکره لر دن تعجب گه قالگنی نی ایتگن.

شو نینگ دیک روسیه تشقی ایشلر وزیرلیگی ، امریکا 2014 نچی ییلده افغانستاندن کوچلری نینگ چیقریشی دن سوز یوروتگنینی هم مذکور بیاناتده ایسله ب قویگن.

Image caption بگرام حاضر امریکا نینگ افغانستانده گی اینگ کتته قرار گاه لریدن حسابلنه دی.

اما بو حالتده قرگنده ، سیاسی ایش بیلرمان لر ایسه ، امریکا نینگ دایمی قرار گاهی افغانستانده توزه لیش سوز لری نینگ ، امریکا همده افغانستان حکومتی تمانیدن ، خلق فکر لری نینگ اورگنیشی همده اولر نینگ نبضلری نینگ قولگه آلیشی اوچون یولگه قوییلگن لیگی نی ایته دیلر.

سیاسی ایش بیلرمان لردن فضل احمد بورگیت ، امریکا دایمی قرارگاهی نینگ افغانستانده توزه تیشیگه جدی بولگنی نی ایتیب ، لیکن ، افغانستان چیگره داش اولکه لر بیلن قوشیمچه ، منطقه اولکه لری هم بو مسئله اوچون قرشی لیک بیلدیریش لری هم طبیعی بولگنی نی ایته دی.

امریکا نینگ افغانستانده دایمی قرارگاهی قوریلیشی ، مملکتده گی ایریم گروه لر بیلن قوشیمچه ، بعضی قوشنی و منطقه نینگ بویوک اولکه لری تمانیدن ، خوش قرشی لنمه یشی گه قرگنده ، افغانستان جمهور رییسی حامد کرزی هم ، امریکا نینگ مذکور قرار گاهی قوریلیشی اوچون ، افغانستانده تینچلیک نی بوتون لی تامین بولیشی اساسی شرط لریدن دیر دیب ایتگن.

بو مسئله گه قرگنده ، افغانستان ایچکی کوچلری ، 2014 نچی ییلگه قدر ، مملکت خوف سیز لیک مسوولیتی نی بوتون لی آلیشگه قادر ایمس دیگن سوز لر هم موچود.