خود کش هجوم چیلرنینگ 90 فایزی پاکستاندن یوباریله دی

Image copyright AFP
Image caption افغانستان ملی امنیت اداره سی ، جلال آباد شهریده یوز بیرگن خود کش هچوم نینگ ، پاکستاندن رهبری بولیشی نی ایتدی.

مملکت ملی امنیت اداره سی نینگ ایتیشیچه ، افغانستانده یولگه قویله یاتگن خود کش هجوم لرنینگ 90 فایزی پاکستانلیک لر تمانیدن یولگه قوییله دی.

مذکور اداره سوزچیسی لطف الله مشعل گه کوره ، مملکتده یولگه قویله یاتگن خود کش هجوم لر و عصیان چیلیک فعالیت لر ، حکیم الله محسود ، جیش المحمد گروهی و لشکر طیبه و سراج الدین حقانی گروه و ترماغلری تمانیدن ریجه لنه دی.

مشعل جناب لری اوتگن ایککی هفته جریانیده قندهار ، خوست و لغمان ولایت لریدن اوچ انتحار قیلوچی کیشی لر نینگ توتیب آلیشی دن هم خبر بیردی.

افغانستان ملی امنیت اداره سی ، جلال آباد شهریده یوز بیرگن خود کش هچوم نینگ ، پاکستاندن رهبری بولیشی نی ایتدی.

مذکور اداره سوز چیسی لطف الله مشعل ، جلال آباد شهری ده یوز بیرگن گروهی خود کش هجوم دن کیین مذکور هجوم نینگ جلال آباد ده ریجه لشتیرگن افغان بیر کیشی نینگ توتیب آلگنی دن هم خبر بیردی.

مشعل جنابلری گه کوره ، عصیانچیلری ، هر قنده ی امکانیت لر دن فایده لنیب ، عصیان چیلیک فعالیت لر نینگ یولگه قویش لری بیلن ، مملکت خوف سیز لیک اداره سی هم ، مذکور فعالیت لر نینگ آلدینی آلیشی اوچون ، ایریم خوف سیز لیک ریجه لرنی یولگه قویگن.

شو نینگ دیک مشعل جنابلری ، اوتگن ایککی هفته جریانیده ، بیر افغان و ایککی پاکستان لیک یاش انتحار قیلوچی باله لرنینگ قندهار ، خوست و لغمان ولایت لریدن توتیب آلیشی دن سوز یوریتدی.

مشعل جنابلری مذکور باله لر خود کش هچوم یولگه قوییش لری اوچون، عصیانچیلر تمانیدن فکر لری اوزگرتیریلیب ویا هم اولر نینگ عایله لری اولیم تهدیدی بیلن یوزمه یوز بولیشی نی معلوم قیلدی.

بو حالتده قرگنده ، افغانستان حکومتی بیلن امریکا قوشمه ایالت لری ، پاکستان استخباراتی نینگ تروریزم بیلن یاردم بیریشی اوچون تنقید آستیگه آلیب کیلگن ، لیکن پاکستان حکومتی عصیان چیلر بیلن یاردم بیریشی نی یلغان دیب بهالگن.

شو نینگ دیک ، افغانستان حکومتی ، عصیان چیلیک فعالیت لر افغانستان قشلاق لری گه ایمس ، بلکه عصیان چیلیک فعالیت لری نینگ ریجه لنتیریشی و اونینگ تجهیز بولیشی ، پاکستان توپراقیگه موجود بولگنینی ادعا قیلگن. عین حالده تروریزم بیلن قرشی کوره شیش افغانستاندن اوزگرتیرلیب ، عصیانکار لر مرکز لری نینگ پاکستانده هدف گه آلیشینی امریکا کوچلریدن ایسته ب کیلگن.