ناتو نینگ کنرده گی عملیاتیده کوپ گینه عادی اهالی تلف بولگن

Image caption ، ناتوچلری کنر ولایتی نینگ غازی آباد اولوسوالیگیده اوچ کونلیک حربی عملیات یولگه قویگن ایکنلر.

افغانستان حکومتی تمانیدن کنر ولایتیده یوبارگن هیئت نینگ ایتشیچه ، مذکور ولایتده ناتو تمانیدن یولگه قوییلکن حربی عملیات نتیجه سیده ، گودک لر و عیال لر بلن قوشیمچه ، 62 عادی اهالی هلاک بولگن.

ناتو نینگ حربی عملیاتی بوندن بیر هفته آلدین کنر ولایتی غازی آباد اولوسوالیگیده یولگه قوییلگن ایدی.

هرچند ناتو کوچلری ، مذکور عملیات ده 30 عصیانچی نینگ هلاک قیلگنی دن خبر بیرگن ایدی لیکن حکومت تمانیدن یوباریلگن هیئت اوشبو عملیاتده ، فقط گینه اون تورت عصیانچی هلاک بولگنی نی تایید قیلگن لر.

جمهور رییس کرزی تمانیدن یوباریلگن هیئت گه کوره ، ناتو کوچلری نینگ عملیاتی نتیجه سیده ، توپلم 62 کیشی هلاک بولگن ، هلاک بولگن لر آره سیده 22 عیال ، 29 گودک و باشقه لری ایسه یاشی یوقاری بولگن انسان لر دیر.

مذکور هیئت ، ملی کینگاش وکیل لری ایچکی ایشلر وزیرلیگی ، مدافعه وزیرلیگی و ملی امنیت اداره سی نینگ نماینده لری دن عبارت بولگن.

معلومات لرگه کوره ، ناتوچلری کنر ولایتی نینگ غازی آباد اولوسوالیگیده اوچ کونلیک حربی عملیات یولگه قویگن ایکنلر.

شونده ی بیرحالده کنر ولایتده هلاک بولگن لرنی ناتو کوچلری مذکور اهالی طالبان گروهی نینگ طرفدار لری دن بولگنینی بی بی سی گه اورغوله گن.

بوندن آلدین هم خارجی کوچلری نینگ حربی عملیاتی ایریم ولایت لرده عادی اهالی تلفاتیگه سبب بولگن.

خارجی کوچلر تمانیدن یولگه قوییلگن حربی هجوم لرده عادی تلفاتی یوزبیرگنی باعث ، هردایم افغانستان جمهور رییسی حامد کرزی نینگ تنقیدی بیلن یوزمه یوز بولیب کیلگن.

لیکن شونده ی بولسه هم ، ناتو کوچلری هرچند ، عادی اهالی تلفاتی نینگ آلدینی آلیشی اوچون ، کوپراق سعی و حرکت لر یولگه قوییشی دن خبر بیرگن لر.

باشقه تماندن بیر قنچه ایش بیلرمان لر نینگ ایتیشیچه ، طالبان گروهی بیر ییردن هر دایم فایده لنمه یدیلر بلکه سیار شکلده عادی اهالی نینگ اوی و جای لریدن همده اولردن سپر شکلده فایده لنیب خارجی کوچلر بیلن اوریشه دیلر.

اولر گه کوره ، شو مسئله سبب لی ، عادی اهالی تلفاتی نینگ آلدینی آلیشی بیرآز قیینت راغ کورینه دی.