پتریوس: عادی خلق گه زیان کیلمس لیگیگه کوزقرته میز

Image caption جنرال دیوید پتریوس عادی اهالی تلفاتی نینگ یوزدن 70 فایزی طالبان هجوم لری نتیجه سیده هلاک بولیشی نی ادعا قیلدی.

مملکتده جایلشگن خارجی کوچلر نینگ باش قوماندانی جنرال پتریوس ، حربی عملیات لرده عادی اهالی تلفاتی نینگ آلدینی آلیشی اوچون ناتوده گی قوماندانلری جدی اعتبار قره تیش لرینی ایسته گن.

اوشبو امریکالیک جنرال بی بی سی بیلن بولگن مخصوص صحبتیده ، افغانستان خلقی امان قالیشی نی ناتو کوچلری نینگ اساسی وظیفه لریدن دیشیب ، مذکور کوچلر نینگ عملیات لریده ، عادی اهالیگه تلفات کیلیشی نی تایید قیلگن لیکن مذکور تلفات میزانی اوتمیش لردن کوره ، آز بولگنی نی اورغوله گن.

جنرال دیوید پتریوس ، ناتو کوچلری تمانیدن کنر ولایتی نینگ غازی آباد اولوسوالیگیده قریب اون کون ایلگریده گی هوایی هجومی نتیجه سیده گودک لر و عیال لر بیلن قوشیمچه ، قریب 65 کیشی هلاک بولگنی دن کیین عکس العمل کورسه تدی.

عین حالده پتریوس جنابلری ، ناتو نینگ حربی عملیات لریده ، عادی اهالی نینگ تلفاتی آز بولگنی نی اورغولسه ده لیکن عادی اهالی تلفاتی نینگ یوزدن 70 فایزی طالبان هجوم لری نتیجه سیده هلاک بولیشی نی ادعا قیلدی.

" بعضی بیر خاص حالت لر اوشه اوریش جریانی دیر کیم آیساف و افغان کوچلری اونگه اوز لریدن دفاع قیلیش لری اوچون ، موجود سلاح لریدن فایده لنه دیلر و بعضاً هم حمایوی کوچلر و هوایی یاردم لرنی مذکور اوریش لرده طلب قیله دیلر.

البته هجوم لر ضدیگه هجومی میزده ، مخالف گروه لرنینگ تلفاتی نینگ یانیده بعضآ ملکی خلقگه هم زیان کیله دی. خوب بیزنینگ سعی و حرکتیمیز شو که یخشی شکلده اوز کوچلریمیزدن دفاع قیلیب همده عادی اهالی تلفاتی نینگ آلدینی آلسک."

عین حالده پترویوس جنابلری عموماً آلگنده عادی اهالی تلفاتی افغانستانده یوزبیریشی ناتو کوچلری نینگ مأموریت لریده حساس بیر موضوع صفتیده بهالب ، شو نینگ دیک خارجی کوچلر نینگ عمومی قوماندانی حیثیده مذکور مسئله اوچون خواطرده بولگنی نی ایتگن.

جاری حالت لرده همده جاری مأموریت لرده حربی قوماندان لریمیز نینگ بریسی عادی اهالی تلفاتی نینگ جدی بیر مسئله دیب توشینه دیلر. اینیقسه مین هم بو موضوع نی جدی کوز بیلن قریمن. دلیلی شو دیر کیم بیز تاپشیریلگن مأموریت ده اینگ مهم و اساسی مسئله لردن بیری افغانستان خلقی حیاتی نینگ سقله شی دیر نه بیزنینگ عملیاتی میزده اولر گه زیان ایتکزیشی ."

خارجی کوچلر نینگ حربی عملیاتی نتیجه سیده عادی اهالی گه تلفات ایتکزیش مسئله سی اوتگن نیچه ییل دن بیری افغانستان حکومتی و خلق ارا هم جمعیت مملکت لر اینیقسه امریکا قوشمه ایالت لری آره سیده کوپ گینه جنجل لر توغدیریب کیلگن.

ناتو نینگ سونگی حربی عملیاتی کنر ولایتیده قریب 65 حربی سیز انسان هلاک بولگنی دن کیین مذکور مسئله جمهور رییس کرزی نینگ تنقید لری بیلن سبب بولدی.

عین زمانده کرزی جنابلری مملکت ملی تینچلیک کینگاشی نینگ توناون کی جلسه سیده ، ناتو کوچلری مذکور مسئله خصوصیده جدی راق کوز قره تیش لری همده کیله جگ عملیاتیده عادی اهالی گه زیان ایتکزیلمه س لیگی اوچون افغانستان خوف سیز لیک نهاد لریده بویروغ بیرگن.