رسمیلر: پاکستان هجومی نتیجه سیده یوزلب اهالی آواره بولگن

ننگرهار ولایتی نینگ محلی رسمیلری ، پاکستان تمانیدن نیچه کون دن بیری راکت اوقی مذکور ولایت گوشته اولوسوالیگی نینگ ایریم ساحه لریه آتیلگنی باعث قریب بیر مینگ عایله اوی جایلرینی ترک قیلگنلیگی نی خبر بیرگن لر.

حاجی سید رحمان ننگرهار نینگ گوشته اولوسوالی گه کوره ، مذکور قیین چیلیک نی یوقاری مرتبه لی دولت خادم لریگه ایتگن و حاضر مذکور اولوسوالیگ نینگ قریب بیر مینگ عایله سی ، تینچ منطقه لرده کیلگن لر.

اما مذکور ولایت پولیس مقام لری ایسه ، اوشبو مسئله نینگ حلی اوچون ، پاکستان نینگ جلال آباد ه گی قنسلی بیلن جریانگه قویگن لیگی نی اورغوله گن لر.

جنرال امین الله امرخیل ، ننگرهار چیگره پولیسی نینگ قوماندانی ، ننگرهار مقام لری پاکستان قشونی نینگ مذکور هجومی دن پاکستان نینگ جلال آباده گی قنسلیگیگه خبر بیرگن لیگی دن سوز یوریتیب ، پاکستانلیک قنسلی ایسه مذکور مسئله نینگ او اولکه مقام لریگه ایتیشی نی اورغو لگن.

هرچند ، پاکستان تمانیدن ننگرهار ولایتی گوشته اولوسوالیگی نینگ ایریم منطقه لریده راکت اوقی آتیلیشی و هوایی هجوم لر یولگه قوییلیشی قه یسی مقصد گه صورت تاپگنی خصوصیده رسمی لر تمانیدن انیق بیر معلومات بیریلمه گن لیکن ، ننگرهار چیگره پولیسی نینگ قوماندانی جنرال امین الله امرخیل، پاکستان قشونی ، مملکت چیگره سی نینگ پاکستانده گی تمانیده ، جایلشگن مومند ایجینسی منطقه سیده ، مخالف لر گه قرشی یولگه قویگن نیچه کون لیک حربی عملیات نتیجه سیده ، بیر قنچه راکت اوق لری افغانستان توپراقیگه توشگنی نی احتمالی بارلیگی نی ایتدی.

امرخیل جنابلری ، ننگرهار گوشته اولوسوالیگی نینگ وضعیتی توناون دن بیری یخشی بیر حالتده بولگنینی هم ایتدی.

باشقه تماندن ، گوشته اولوسوالی سید رحمان نینگ ایتیشیچه ، حاضر آواره بولگن لر تینچ منطقه لرده جایلشگن لر شو نینگ دیک ننگرهار محلی رسمیلری ، بیرلشگن ملت لر تشکیلاتی نینک یادرم بیره دیگن اداره سی بیلن مذکور آواره بولگن لرگه یاردم بیریشی نی هم سوره گن لر.

" گوشته اولوسوالیگی توتگی قشلاقی نینگ اهالی سی ، سلاله قشلاقی نینگ اهالی سی شو نینگ دیک علی خیل قشلاقی نینگ بوتون اهالی سی ، مذکور اولوسوالیک نینگ تینچ منطقه لریده جایلشگن لر ، هرکیم اوز قومی و قرینداشی نینگ اوییگه کیلیب جایلشگن."

بو حالتده قرگنده ، حاضر گه قدر ، مملکت یوقاری مرتبه لی خادم لری ، مذکور معما اوچون انیق بیر مناسبت بیلدیرمه گن لر.

باشقه تماندن ، ننگرهار نینگ بیر قنچه اهالی سی ، محلی مطبوعات بیلن بولگن صحبت لریده ، پاکستان ، مذکور هچوم لر آرقه لی چیگره دن اوتیب توپراقی نی کینگه یتیریشی نی ادعا قیلگنلر لیکن بو مسئله اوچون حکومت رسمی لری هیچ بیر نیرسه دیمه گن لر.

ننگرهار ولایتی نینگ گوشته اولوسوالیگی ده گی اهالی ، پاکستان بیلن بولگن چیگره لی منطقه لر بوندن نیچه ییل آلدین هم پاکستان حربی لری تمانیدن هجوم آستیگه قالگن لیگینی ایتگن لر.