دوبیده کی کورگزمه ده بیرینچی اورین افغان قالینی گه بیریلدی

افغانستان قالینی قول صنعتی آتی بیلن دوبی شهریده اچیلگن کورگزمه ده نیچه اولکه قالین لری اره سیده بیرینچی اوریننی قولگه کیریتگن.

اوشبو کورگزمه ده، افغانستان، پاکستان، نیپال، ترکمنستان، ترکیه، قزاقستان وهندوستانده ایلشیب چیقاریلگن تورلیچه قالین لر نمایش گه قویلگن.

اوشبو کورگزمه ده قویلگن قالین لرآره سیده افغانستانده قول بیلن توقیلگن قالین بیرینچی اورننی ایگه له گن.

افغانستان سودا گرلراویشمه سی نینگ رییسی قربانحقجو بومناسبت بیلن کابلده اوتکزگن مطبوعات انجمنیده قالین صنعتینی رواجلنتریش اعتبار قره تیلیشینی دولت دن سوره دی.

شونگه قوشیمچه قیلیب او، دولت یاردمی اساسیده قالین صنعتینی عاییله وی عنعنه دن چیقیب سوداگرلیک کسبی گه ایله نیشینی ایتگن.

همده حقجوجنابلری"اگر بو خصوصده اعتبار قره تیلسه غرب، امریکا و منطقه ده قول صنعتی اینقسه قالین سوداگرلیگینی اوز قولی میزگه آله میز دیب ایتگن."

عینی حالده افغانستان معارف وزیرلیگی نینگ اورین باسری اصف نینگ کسب اورگه تیش و قالین صنعتینی رواجلنتریش اوچون مخصوص مکتبلر اچیلیشدن خبربیردی.

ننگ جنابلریگه کوره معارف وزیرلیگی یتتی کسب اورگه تیش مکتبینی ایجاد ایتیشینی ریجه لشترگن.

اونی معلوم قیلیشچه، ایجادی ایتلیشی کوتیله یاتگن کسب اورگه تیش مکتب لریده قول صنعتی قوشیمچه قالین توقیش و اونلب کسب اورگه تیش مضمونلری درس بیریلیشی اینابتگه آلینگن.

قالین افغانستان نینگ مهم صادرات لریدن بولیب بیراق، اوریش لر قالین بیلن شغللنیب کیله یاتگن کیشی لرنی قوشنی اینقسه پاکستان مملکتی گه مهاجر بولیشگه مجبور لنترگن، شوباعث افغان قالین لری باشقه تشقی اولکه لرگه پاکستان آرقه لی صادر ایتیله دی.

افغانستان تجارت وزیرلیگی گه کوره، پاکستان افغان قالین لرینی تشقی اولکه لرده صادر قیلییشدن هرییلی بیش یوزمیلیون دلار منعفت قولگه کیرته دی.

هرچند افغانستان دولتی قالین صنعتینی رواجلنتریش اوچون ایریم برنامه لرنی یولگه قویلیشینی سوزبیریب کیلگن اما، قالین ایشلری بیلن شغللنیب کیله یاتگن سودا گرلر حاضرگه قدر هم کوپگینه معمالر بیلن یوزمه یوز ایکن لیکلریدن شکایتده.

قالین صنعتی کوپراق اوزبیک لر زیچ یشیدیگن شمالی حدودلرده توقیله دی، دنیا بویلب شهرت گه ایگه لیکن سونگی پیتلرده دولت تمانیدن بو قول صنعتی یخشی حمایه ایتلمه یاتگنی سبب قالین توقیشگه بولگن قیزیقیش لر خلق اراسیده بیرآز کمیگن.