مارک گروسمن: امریکا و افغانستان آرسیده گی استراتیژیک رابطه لر نینگ دوام تارتیشی کیره ک

Image copyright AFP
Image caption مارک گروسمن ، اوباما تمانیدن افغانستان و پاکستانده نماینده صفتیده تعیین بولمسدن آلدین ، حکومتی دن تقاعد آلگن ایدی.

امریکا قوشمه ایالت لری نینگ افغانستان و پاکستانده گی ینگی نماینده سی مارک گروسمن افغانستان ده بولگن بیرینچی سفریده ، مذکور مملکت افغانستان بیلن ستراتیژیک رابطه لری نینگ دوام تارتیشی گه تاکید قیلدی.

شو نینگ دیک گروسمن جنابلری ، افغانستان حکومتی تمانیدن یولگه قوییلگن تینچلیک قوریلتایی و مخالف لر بیلن مذاکره قیلیش ریجه لردن حمایت بیلدیردی.

عین زمانده ، امریکا نینگ افغانستان و پاکستانده گی نماینده سی ، مذکور حکومت ، افغانستانده دایمی حربی قرار گاه قوریلیشیده اونچه لیک کوز قره تمه یدی بلکه ، افغانستان اوچون موجود بولگن ستراتیژه سی نینگ یخشی شکلده تطبیق قیلیشی اوچون ، کوپراق سعی و حرکت قیلیشینی ایتدی.

کورینیشیچه ، امریکا نینگ افغانستان و پاکستان ده گی قدیم کی نماینده سی ریجارد هالبروک نینگ دنیا دن کوز یومگنی دن کیین ، مذکور مملکت نینگ ینگی نماینده سی مارک گروسمن قیینت بیر وظیفه بیلن شغللنیب کیلگن.

گروسمن ، بیر یاقدن ، امریکا سیاستی نینگ افغانستانده تطبیق قیلیشی گه مسوول بولسه باشقه تماندن ایسه ، افغانستانده تینچلیک نی کیلتیریشی اوچون پاکستان نینگ کوپراق همکارلیگی و حمایت نی قره تیشی گه مجبور دیر.

مارک گروسمن افغانستانده بولگن بیرینچی سفریده ، امریکا نینگ کابلده گی ایلچی خانه سیده مطبوعات انجمنی یولگه قوییب ، مذکور حکومت ، افغانستان بیلن بولگن ستراتیژی رابطه لرنینگ کینگه یتیریشی همده اونینگ دوام تارتیشی اوستیگه کوپراق تاکید قیلدی.

"قولیمیزده گی برنامه انچه مهم اوشه نده ی کیم تشقی ایشلروزیری ایتگن ، حربی جریان نینگ پیروزلیگی و اونینگ دوام تارتیشی دیر شو نینگ دیک حربی سیز بیر جریانی دیر کیم بیز نینگ کوپراق سعی و حرکتی میز افغانستان و پاکستانده. شونگه قوشیمچه اوچینچی سی ایسه دیپلوماتیک بیر جریان نینگ باشله نیشی دیر و بیز افغانلر رهبرلیگیده گی تینچلیک برنامه لردن حمایت ایتسک دیب ایتدی امریکا نینگ افغانستان و پاکستانده گی نماینده سی مارک گروسمن."

گروسمن جنابلری ، 1990 نچی میلادی ییل لرده امریکا نینگ ترکیه ده گی ایلچی سی شو نینگ دیک 1970 ییل لرده مذکور مملکت نینگ پاکستانده گی ایلچی سی صفتیده وظیفه بجرگن.

جاری میلادی ییل نینگ جولای آیده امریکا قوشمه ایالت لری ، افغانستانده جایلشگن یوزمینگ دن کوپراق قشونی نینگ چیقاریلیشی نی ریجه لگن.

اما گروسمن جنابلری ، امریکا قوشمه ایالت لری ، افغانستانده اون ییل دن بیری موجود بولگن حربی اورینی نینگ کمه یتیره یاتگن بیر زمانده ، جمهور رییس باراک اوباما تمانیدن ، نماینده صفتیده تعیین بولگن.

بوندن آلدین ، ریچارد هالبروک امریکا جمهور رییسی باراک اوباما تمانیدن ، امریکا نینگ افغانستان و پاکستانده گی نماینده سی صفتیده ایش آلیب بارگن ایدی.

بیر قنچه تحلیل چیلر گه کوره ، هالبروک افغانستانده 2009 نچی میلادی ییلده کیلگنی بیلن جمهور رییس کرزی نینگ اوستیگه فشار کیلتیریب رابطه سی بیر حد گه چه بوزلدی عین حالده افغانستاندن کوره پاکستان گه کوپراق کوز قره تدی.

تحلیل چی لر گه کوره ، ریچارد هالبروک افغانستانده تینچلیک نی تامین قیلیش توغریسیده ، امریکا دولتی نینگ جدی همکارلیگی نی ایلگری سوروب بو خصوصده کوپراق سعی و حرکت قیلگن بولسه هم لیکن افغانستان اداره لریگه کینگ کولمبده فساد نینگ موجود لیگی دن تنقید قیلگن ایدی.

ریچارد هالبروک دیپلوماتیک ایشلری نی 1962 نچی میلادی ییل دن باشله ب ، امریکا نینگ اوشه پیتده گی جمهور رییسی یعنی جان ایف کینیدی دن توتیب تا حاضر گی جمهور رییسی باراک اوبا بیلن دیپلومات صفتیده ایشله ب کیلگن ایدی.

هرچند ، بوگون هالبروک جهان دن کوز یومگن لیکن امریکا نینگ افغانستان و پاکستانده گی موجود نماینده سی مارک گروسمن، افغانستان ده تینچلیک نی برقرار قیلیشی و پاکستانده جایلشگن افراطی گروه لر نینگ اورته دن ایلتیشی اوچون مذکور حکومت نینگ فشار آستیده کیلتیریش کبی ایشلرده بیر قطار کوزه توچیلر، تأثیرلی بولگن بیر کیشی دیب توشینه دیلر.