کرزی طالبلردن مکتب لرگه اوت قویمسلیگینی طلب قیلدی

افغانستان جمهور رییسی حامد کرزی ینگی تعلیمی ییل باشله نیش مناسبتی بیلن سوزچه چیقیب ، حکومت مخالف لری دن مملکت مکتب لرنینگ اوت قویمسلیگینی طلب قیلگن.

ینگی تعلیمی ییلی ، کابل شهریده جایلشگن امانی لیسه سیده جمهور رییس کرزی تمانیدن مکتب زنگی چلنیشی بیلن رسمی شکلده باشلندی.

کرزی جنابلری ، مملکت ترقیاتی نینگ ، معارف نینگ کمی و کیفی ترقیاتیده باغلیق ایککینی نی معلوم قیلدی.

افغانستان جمهور رییسی حامد کرزی ینگی تعلیمی ییلی باشله نیش مراسمیده ، اوتگن توقیز ییل جریانیده ، مملکت معارفی بولیمیده کوزگه کورینر لی درجه ده ایش بولگنیدن سوز یوریتیب اما بیر قنچه تینچسیز ولایتلرده مکتب لر نینگ باغلنیشی عین حالده مملکت نینگ اوزاققه توشگن منطقه لریده مکتب لر یوق لیگی نینگ معارف برابریده تورگن کتته قیین چلیک لر دن دیب معلوم قیلدی.

شو نینگدیک کرزی جنابلری ، مملکت بیر قنچه ولایتلریده طالبان تمانیدن مکتب لر اوتگه آلیشی نی هم معارف نینگ جدی قیین چیلیک لریدن دیه ، اسلام دینی گه قرشی بیر عمل دیب معلوم قیلدی.

کرزی جنابلری ، طالب لر اگرده خواه له یدیلر خارجی لر افغانستاندن چیقیب کیتسه لر ، بو اولکه اولاد لری تعلیم کوریشی و افغانستان رواجله نیشی اوچون توسیق بولمس لیگی نی طلب قیلدی.

جمهور رییس کرزی نینگ ایتیشیچه ، حاضر قریب تورت یریم ملیون گودک ، درس و تعلیم کوریش اوچون مکتب لر ده واجد الشرایط بولگن لیکن اولر اوقی آلمه یدیلر . او ، بو مسئله نینگ هم معارف برابریده اینگ کتته قیین چلیک لریدن حسابله دی.

معارف وزیر لیگی نینگ ترقه تگن معلوماتی گه کوره ، اوتگن توقیز ییل جریانیده ، باغلنگن مکتب لر جمله سیدن ، سونگی ایککی ییلده 400 مکتب قیته دن آچیلگن و جاری قویاش ییلده هم مذکور وزیرلیک باشقه 450 مکتب نینگ آچیشی دن سوز بیرگن.

کرزی جنابلری ، افغانستان معارف بولیمی ، خلق ارا اولکه لری نینگ جدی یاردم لریگه احتیاجی بارلیگی نی هم ایتدی.

شو نینگ دیک 1390 نچی تعلیمی ییلیده ، 8 ملیوندن کوپراق طلبه لرگه ، 14 مینگ مکتبده 190 مینگ اوقوتوچی تمانیدن ، درس و تعلیم بیریش زمینه سی یره تیلیشی ایتیلگن.