قندوزده کی انتحاری هجومده 36 کیشی قربان بولگن

اوشبو انتحاری هجوم قندوز شهریده کی پلیس لیککه یوللیدیگن مرکزده یوزبیرگن، افغانستان عامه ساغلیک وزیرلیگی نینگ سوزچیسی کارگر نوراوغلی هجومده 36 کیشی قربان بولگنینی ایتگن.

انتحاری هجوم یوزبیریشی بیلن قندوز ولایتی نینگ عامه ساغلیک رسمیلری تلفات لر رقمینی اوتز ایککی کیشی ایکنینی ایتیب و یره لنگن لر سانینی 30 کیشی دیشگندی.

کسل خانه مسوللریگه کوره قربان لرنینگ اکثریتی باله لر قوشیمچه عادی اهالی بولگن، اوتگن اون بیش کون جریانیده بو اوچینچی قانلی هجوم دیرکه قندوزلایتیده یوزبیره دی. بو هجوملرده ایسه اونلب کیشی اولیب و یره لندی.

اوتگن هفته یوزبیرگن هجوده قندوزولایتی نینگ پلیس باشلیغی قوشیمچه یتتی پلیس قربان بولگندی.

سونگی پیتلرده ناقرارلیک لر افغانستان بولیب ارتیب بارماقده، انسان حقلریدن مدافعه ایتوچی اونلب تشکیلات لر یوزبیریب کیله یاتگن ناقرارلیک لرده اهالی قربان بولیب کیله یاتگنیدن خواطر بیلدرماقده.

خوف سیزلیک مسوولیتلرینی کیله جک هفته لرده افغانستان جمهورریسی حامدکرزی تمانیدن اعلان قیلنیشی کوتیله دی.همده جاری میلادی ییل اورته لریده خارجی کوچلرنینگ افغانستاندن چقییب کیتیش جریانی هم باشله نیشی ممکن.

باشقه تماندن ایسه افغانستانده کی ناتو کوچلری کیله جک بهار فصلیده ناقرارلیک لر ارتیب باریشی دن خبر بیرماقده.