پکتیکاده کی بامب پارتلشیده عیاللرو باله لر هلاک بولدی

افغانستانرسمیلریگه کوره ممکلت شرقیده روی بیرگن بامب پارتلشی عاقبتیده بیش نفر باله داخل 12 کیشی عادی اهالی هلاک بولگن.

رسمیلره کوره ، اوشبو حادثه پکتیکا ولایتی نینگ خوازه خواه تومنیده عادی اهالی موتری بامب گه دوچ کیلیشی نتیجه سدیه روی بیرگن.

اوشبو یولاوچی عادی اهالی ینگیدن پاکستان دن افغاتنستان توپراغیگه کیرگن ایدیلر. اولر پکتیکا ولایتی آرقه لی کیله یاتکن پیتیده موترلری یول چیکه سیده اورنه تیلگن بامب گه دوچ کیلگن.

هلاک بولگن لر اره سیده ایککی عیال و بیش باله موجود. ولایت حاکمی طالبلر نی ، اوشبو بامب نی جایلشتیریشده عیبله گن.

یول چیکه لریده بامب اورنه تیش کوپینچه عصیانچیلر تمانیدن عملگه آشیریله دی . عادتده بونده ی بامب لر خوفسیلیک کوچلری و دولت رسمیلری نی نشان گه الیش مقصدی بیلن اورنه تیله دی اما کوپ پیتلرده ، عادی اهالی اولیمیگه سبب بوله دی .

عادی اهالی تلفاتی مسئله سی ، همیشه حساس موضوعلردن بیری بولیب کیلگن. بو ایسه اهالی نینگ غضبلرینی قوزغاتوچی عامل و افغانستان دولتی و امریکا قوشمه ایالتلری اورته سیده کی رابطه لرنینگ ترنگله شیشی نینگ سببی بولیب کیلگن.

واشنگتن اوشبو عادی اهالی تلفاتی ایتکیزه یاتکن ، سیاسی زیان دن خبردادر و بو نی چیکله تیش اوچون کوپ گینه سعی و حرکت لرنی یولگه قوییب کیلگن.

اوتکن ییلی ناتو هجوملریدن کوره عصیانچیلر نینگ بامب هجوملریده کوپراق عادی اهالی هلاک بولگن ایدی.

بیر نیچه کون مقدم ناتو کوچلری نینگ افغانستان ده کی باش قوماندانی جنرال دیوید پیترایوس توقیز نفر باله نینگ ، ممکلت شرقیده اوتین ییغیه یاتکن پیتیده ناتو نینگ خطا گه یول قویگن لیگی باعث هلاک بولگن لیگی اوچون کیچیریم سوره گن ایدی.