Сўнгги янгиланиш 14 март 2011 - 09:44 GMT

افغانستان اوزبیک لری نینگ قدیمی مدنیتی حقیده فلم توزه لماقده

عابدی جنابلری تخار ولایتی دن دیر و نیچه ییل دن بیری عایله سی بیلن کانادا ده حیات کیچیره دی. او ادبیات و سینما بولیمیده تحصیل قیلگن

افغانستان اوزبیک صنعت چی لریدن صدیق عابدی ، مملکت شمالی حدود لری نینگ قدیمی مدنیت و عنعنه لری حقیده فلم تیارلماقده.

عابدی جنابلری مذکور فلم سناریو سی نینگ کانادا اولکه سیده یازیب او نینگ عملی ایشی نی تورت آی دن بیری افغانستانده کیلیب باشله گنیدن خبر بیردی.

هرچند عابدی جنابلری مذکور فلم نینگ خرجتی و بو فلم قچان توگه یشی خصوصیده انیق معلومات بیرمه گن لیکن اونگه کوره ، مذکور فلم توزه لیشی بیلن ملی و خلق ارا کورگزمه لرده یخشی اورین نی اوزیگه ایگه قیلیشی ممکن.

عین زمانده مذکور فلمی خارجی کمره مین لر تمانیدن ثبت بولیب ، سونگی تخنیگی اسباب وسیله لر دن فایده لنه دی.

عابدی جنابلری ، مذکور فلم افغانستانده رایج بولگن تیل لریده ثبت بولیب شو نینگ دیک خارجی تیل لریده هم اوزگریلیشی ممکن لیگینی ایتدی.

شو نینگ دیک صدیق عابدی نینگ بوندن آلدین کی نیچه فلمی جمله دن عصیان و ابرها " بلوتلر" ناملی فلم لری خارجی اولکه لر فیستیوال لریده اوزیگه یخشی اورین نی ایگه للب ، ایریم آلیقیش لرگه هم سزاوار بولگن.

عابدی جنابلری نینگ ایتیشیچه ، 1998 میلادی ییلی ده توزه تگن عصیان فلمی ، روسیه افغانستانده قنده ی تجاوز قیلگنلیگی و بیرینچی مرته افغانستانده اوریش هلاوی قنده ی یاندیریلگنلیگی خصوصیده ، توزه تیلگن. عین حالده عصیان فلمی هم بیر گنگ میده باله تقدیریدن حکایت قیله دی.

شو نینگ دیک عابدی جنابلری ابرها " بلوتلر " ناملی فلمی هم امریکا و کانادا عالی اوقو یورت لریده نمایش بیریلگنی دن سوز یوریتیب مذکور فلمی ، ملی بیر سوزی بارلیگیدن حکایت قیلگنلیگینی ایته دی.

اونگه کوره ، مذکور فلم لری ، هندوستان ، اوزبیکستان ، امریکا ، کانادا و بیر قطار باشقه اولکه لرده ، جایزه لرنی اوزیگه اختصاص بیرگن.

اما افغانستان سینما صنعتی حاضر گی کونده قنده ی بیر حالتده حیات کیچیره دی دیگن بیر سوراققه صدیق عابدی ، حاضرگی وضعیت اوتمیش لردن کوره انچه یمان بولگنی نی ادعا قیله دی .

عابدی جنابلری گه کوره ، افغانستان سینما صنعتی نینگ نیچه تمانلمه قیین چیلیگی بار.

" بیرته ایککی ته یخشی راق فلم نینگ توزه لیشیدن تشقری ، افغانستان سینما سیده موزون سیز بیر رشد یولگه قوییلگن ، یعنی علمی نقطه نظریدن و سینما مستقل لیگی نظرگه آلینمه ی بیر حالت حاکم بولگن. ایککینچی مهم بولگن مسئله ، حاضر گی فلم لر نینگ کوپ گینه سی ، تقلید و دنباله رو لیک بیلن توزه لماقده. و مذکور اثر لرنینگ عمری یوق . یعنی مذکور فلم لر کوپراق ، هوس بیلن پیام سیز بیر شکلده ایشلب چیقه ریله دی."

صدیق عابدی سینما وضعیتی یخشی بولیشی اوچون ، بیرینچی دن ، فلم لر نینگ موضوع و سناریو سی اوستیگه کوپراق دقت بولیشی اوستیگه تاکید قیلیب ، مذکور فلم لر تجارت بازاریگه قنده ی یول تاپیش یول لری نی تاپیشی لازم لیگی نی هم ایتدی. اونگه کوره ، ینگی توزه له یاتگن فلم لر نینگ یخشی پیامی بولسین ، کیفیتی بولسین ، چیگره لرنی سیندیرسین ، و خارجی لرنی تأثیر آستیگه کیلتیرسین .

اونگه کوره ، تشقی مملکت لر نینگ سینما لری بیر یاقدن ، فرهنگ لرینی بیزگه رواجلنتیره دیلر باشقه تماندن افغانستان اقتصادی نی چپاول قیله دیلر ، اما حاضر گی کونده افغانستان سینما صنتچی لری نینگ کوپگینه سی ، بیر یاقدن افغانستان فرهنگی نی نمایش بیره آلمه یدیلر باشقه تماندن ، اقتصاد هم قولگه کیلتیره آلمه یدیلر.

عابدی جنابلری ، سینما وضعیتی یخشی بولیشی اوچون بیرینچی دن سینما چیلر مابینیده ، مصلحت لیک بورد لر نینگ تشکیل ایتیلیشی لازم لیگی نی ایتیب شونگه اوخشه ب دولت کوپراق بو مسئله گه اعتبار بیریشی نی طلب قیلدی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.