کرزی: خوف سیزلیک مسوولیت لرنینگ افغان کوچلری سرطان آییگه آله دیلر

Image caption جمهور رییس کرزی خوف سیز لیک مسوولیت لری افغان لرگه تاپشیریلیش ریجه سی نی ، ملی حربی اکادمی افسر لری نینگ فراغت مراسمیده اعلام قیلدی.

افغانستان جمهور رییسی تمانیدن ، مملکت بیرقنچه ولایت لری خوف سیزلیک مسوولیت لری نینگ خلق ارا کوچلری قولیدن افغان کوچلریگه بیرینچی مرحله ریجه سی تاپشیریلیشی ، نیچه آیدن بیری کوتیلیشدن کیین بوگون اعلام بولدی.

کرزی جنابلری تمانیدن اعلام بولگن مذکور ریجه اساسیده ، کابل ، پنجشیر ، بامیان ، هرات ، مزار شریف ، لشکرگاه ، و مهترلام شهری لری نینگ مسوولیت لری جاری قویاش ییلی نینگ سرطان آییده باشله نه دی.

جمهور رییس کرزی نینگ ایتیشیچه ، مملکت باشقه منطقه لری مسوولیت لری نینگ آلیشی جریانی تیکشیریلماقده ، و زودلیک بیلن مسوولیت لرآلیشی نینگ ایککینچی مرحله سی هم اعلام بوله دی.

شونده بیر حالده افغانستان جمهور رییسی ، خوف سیز لیک مسوولیت لر نینگ آلیشی و موفقیت لرگه ایریشیشی نینگ بن کنفرانسی ده افغانستان اوچون بیریلگن خلق ارا تعهد لرگه باغلیق بولگنینی ایتدی.

شو نینگ دیک کرزی جنابلری ، خارجی اولکه لر یاردم لری نینگ افغانستان دولتی طریقی دن صرفلنیشی ، بیرلشگن ملت لر تشکیلاتی نینگ بوتون بولیم لری بیر سقف ده یغیلیشی عین زمانده ، ولایت قیته قوریش تیم لری یا " پی . آر. تی" لر یاردم بیروچی نهاد لرگه اوزگریلیشی نینگ مسوولیت لر موفقیت گه ایریشیشی اوچون انچه مهم بولگنی نی معلوم قیلدی.

باشقه تماندن ، کرزی جنابلری ، مسوولیت لر آلیشی دن کیین قیته آرقه گه توشیشی نی امکان سیز دیشیب ، افغانستان خلقی و تینچلیک لری نی توله شکلده سقله یشی نینگ ملی کوچلری دن طلب قیلدی.

مملکت جمهور رییسی سوز لری دوامیده هرچند انیق بیر اولکه دن آت توتمه دی لیکن حاضر هم بیرقنچه اولکه لر ، تروریزم دن فایده لب ، افغانستانده اره لشیشی اوچون حرکت قیلیشه دیلر دیدی.

خوب بو حالتده قرگنده ، بیرقنچه ولایت لرنینگ خوف سیزلیک مسوولیت لری کیله سی تورت آیگه قدر افغان کوچلری گه خارجی لرتمانیدن تاپشیریلر ایکن لیکن مذکور ولایت لر خادم لری هرچند مسوولیت آلیشی دن خرسند لیک بیلدیرسه لر ، افغان خوف سیز لیک قوت لری نینگ کوچلنتریشیگه تاکید قیله دیلر.

"ایتیلیشی لازم که ، خوف سیز لیک کوچلری ، سونگی پیت لرده ولایت لر و کابلده تعلیم کورماقده لر و مورال لری هم یخشی بولگن لیکن اساسی معما لوژستیکی مسئله گه قرگنده ، نه ایچکی ایشلر وزیرلیگی و نه هم مدافعه وزیرلیگی یخشی حربی اسباب اسکونه لری یوق. دیب ایتدی قندوز ولایتی نینگ حاکمی محمد انور جگدلک."

کرزی جنابلری بوگونکی یوریتگن سوزلریده ، مملکت هوایی نظامی نینگ کوچلنتریب و شکل لنتیریشی خصوصیده هیچ نیرسه دیمه دی. هرچند ، خوف سیز لیک مقاملری هوایی نظامی نینگ افغان لر قولیگه آلیش لری و اونینگ کوچلنتیریش اوچون بیر قنچه ریجه لر موجود دیب معلوم قیله دیلر بیراق بیر قنچه تحلیل چیلرگه کوره ، اگر ده ملی خوف سیز لیک مأمور لری ، ملی اردو و ملی پولیس کوچلری هر قنچه قوت لری بولسه لیکن مملکت هوایی بولیمی شکل لنتیریلمسه ، مسوولیت لر نینگ آلیش بیلن هم قیین چیلیک لر اوز جاییگه قاله دی.