مزارشریف ده گی نمایش ده قربان لر بار

Image copyright AP

مزارشریف ده جمعه نمازیدن کیین یوز کیشی اطرافیده بیرلش گن ملت لر تشکیلاتی اداره سیگه یوریش قیلگن. تصدیق لنمه گن خبرلر گه کوره کمی ده 8 کیشی قربان بولگن و 10 دن آرتیق یاره لنگن. بعضی منبع لر گه کوره نمایشچی لر قول لریگه قرال توشگن و قوریغچی لر بیلن آتشمه یوز بیرگن. نمایشچی لر امریکه لیک روحانی تیری نینگ قرآن نی یاقیش تهدیدی دن غضب لنیش کن. ایریم خبرلر گه کوره نمایشچی لر بیرلش گن ملت لر تشکیلاتی نینگ قوریغ چی لری دن قرال لری نی تارتیب آلیش گن. جنرال داود داود نینگ ایتشی چه یره دار لر آره سیده پولیس اعضا لری هم بار. نمایشچی لر بیلن یوناما اداره سیگه بارگن لر اول باشیده نمایش چی لر قرال سیز بولگنی نی ایتکن لر. مزارشریف مملکت نینگ اینگ آسایش ده قاله یاتکان منطقه لریدن سنه له دی. اما سونگی آی لر افغانستان شمالیده هم جنگره گروه لر نینگ فعال لشه یاتکانی کوزه تیلر دی. ناتو کچ لری افغان خوف سیز لیک کوچ لری گه مسئولیت نی تاپشیره دیکن ایلک منطقه لریدن بیری، مزارشریف دیر.