قندهار ده گی ناراض لیک نمایشی هم خشونتلی بولدی

Image caption قندهار ده یولگه قوییلگن ناراضلیک نمایش نیچه دقیقه دن سونگ ، خشونتلی بولیب قالگن.

قندهار ولایتی نینگ مطبوعات دفتری تمانیدن ترقه تیلگن معلومات لرگه کوره ، بوگونکی یولگه قوییلگن ناراض لیک نمایش ده 9 کیشی هلاک بولگن و 81 کیشی هم یره لنگن.

یره دار بولگن لر آره سیده بیر پولیس هم موجود لیگی ایتیله دی.

بو گونکی ناراض لیک نمایش امریکا نینگ بیرکشیشی تمانیدن ، ایککی هفته آلدین ، قرآن شریف نینگ یاندیریلیشی گه قرشی لیک کورسه تیش مقصدیده یرته لب ساعت توقیز یریم ده قندهار شهری نینگ شهیدان دیگن تورت یولی دن باشله نیب ، ناراض کیشی لر شهر نینگ باشقه ساحه لریده هم کیتگن لر.

عین زمانده ، قندهار محلی رسمی لری ، ناراض کیشی لر مابینیده بیر قنچه فرصت طلب کیشی لر هم موجود بولیب ، خود شو ناراضلیک نمایش دن فایده لب ، نمایش نینگ خشونتده ایلنتیرگنلیگی نی معلوم قیلگن لر.

شو نینگ دیک پولیس کوچلری هم ناراض لیک نمایش لرنی متفرق قیلیش اوچون ، هوا تمانگه اوق آتگنی نی هم تایید قیلگن.

پولیس کوچلری حاضر گه چه جمعاً 20 کیشی نینگ اوشلب آلگنی و اوشلنگن لر آره سیده 7 کیشی قورال لری بولگنی نی هم ایتگنلر.

نمایش چیلر قندهار شهریده گی مکتب لردن بیریگه همده بیر قنچه دوکان لری اوستیگه هجوم قیلگن لری هم ایتیلگن.

شو نینگ دیک بیر دولتی کتته موتر و بیر نیچه ملکی موتر لر هم ناراض کیشی لر تمانیدن یانیدیریلگن.

عین زمانده ، ناراض کیشیلر خبر نگار لر گه قرشی هجوم اویشتیریب بیر نیچه کیشی نینگ اوریب و تخنیکی وسیله لری نینگ هم سیندیرگن خبر ی هم چیقگن.

حاضر قندهار شهریده خوف سیز لیک کوچلری جایلشیب ، شهر نینگ دوکان لری هم باغلیق بولگنی ایتیله دی. اما ناراضی لر حاضر هم قندهار شهری نینگ بعضی حدود لریده

موجود بولیب ، خوف سیزلیک کوچلریگه قره ته تاش آتیلیشی هم ایتیله دی.

امریکالیک کشیشی تمانیدن، ایککی هفته آلدین ، قرآن شریف نینگ یاندیریشیگه قرشیلیک کورسه تیش مقصدیده ، بوگون ، تخار ، بغلان و هرات ولایت لریده هم ناراض لیک نمایشلر و یغیلیش لر تینچ بیر صورتده هم یولگه قوییلگن. اما توناون مزار شریف شهریده گی ناراض لیک نمایش خشونتده ایله نیب ، ناراض کیشی لر نینگ بیر قنچه سی ، بیرلشگن ملت لر تشکیلاتی نینگ دفتریده کیریب ، مذکور تشکیلات 7 ایشلاوچی سی نینگ اولدیرگن لر. عین زمانده ، ناراض کیشی لر دن 5 کیشی هلاک بولیب و 23 کیشی هم یره دار بولگنی تایید بولگن.