دیمستورا: بیرلشگن ملت لر تشکیلاتی نینگ فعالیتی افغانستانده دوام ایته دی

Image copyright AP
Image caption مزار شهریده گی قربان بولگن لر نینگ 7 کیشی سی ، بیرلشگن ملت لر تشکیلاتی نینگ ایشلاوچی لریدن ایدی

بیرلشگن ملت لر تشکیلاتی نینگ مزار شریف دفتریده گی 7 خارجی بیر قنچه ناراض لیک نمایشی نی یولگه قویگن لر تمانیدن هلاک بولگنی دن سونگ ، مذکور تشکیلات نینگ افغانستانده گی وکیلی استیفن دیمستورا ، مزار شریف واقعه سی نینگ تیکشیریش اوچون ، بو شهرده کیتیب ایتگن که بیر لشگن ملت لر تشکیلاتی افغانستاندن چیقمه یدی لیکن او ، بو حادثه اوچون ، امریکا لیک کشیش نی عیب لب چیقگن.

دیمیستورا جنابلری گه کوره ، افغانستان خلقی نینگ هیچ بیری نی بو حادثه لرده مقصر بیلیش کیره ک ایمس هر کیم که بو مسئله اوچون سبب بولیب ، و قرآن گه توهین قیلگن ، مذکور حادثه عامل لری دیر.

عین زمانده بیر لشگن ملت لر تشکیلاتی نینگ افغانستانده گی نماینده سی ، ایرکین سوزی ، خلق لر و فرهنگ لر ده تعرض قیلیش معنی سیده ایمس لیگی نی هم ایتگن.

امریکالیک کشیش تمانیدن ، قرآن شریف کویدیریلگنی باعث ، افغانستان بیر قنچه شهرلریده قتیغ ناراض لیک نمایش لر یولگه قوییلیب شونینگ دیک مذکور نمایش لر حاضر هم بعضی ولایت لرده دوام ایتماقده.

قندهار شهری ده ایککی کوندن بیری ، ناراض لیک نمایش لر دوام ایتگن و بوگون بیر قنچه اهالی سرک لرگه چیقگن ایکن لر.

همده قندهارعالی اوقویورتی نینگ محصل لر ی هم عالی اوقویوت ایچیده یغلیشدی لر عین زمانده ، قندهار نینگ پنجوایی اولوسوالیگیده هم اهالی ناراض لیک نمایش یولگه قوییب ، مذکور نمایش خشونتده ایلنگنی ایتیلگن.

Image copyright AP
Image caption قندهار داکتر لری گه کوره ، ناراض لیک نمایش لر یولگه قویلیشی دن حاضر گه قدر 16 کیشی هلاک بولگن و اونلب کیشی هم یره لنگن.

قندهار محلی رسمیلری ، بوگون کی ناراض لیک نمایشلرده ، ایککی پولیس بیلن قوشیمچه ، ایگیرمه کیشی یره لنگنینی ایتگنلر.

مذکور نمایش لرده یوزبیرگن زوراوانلیک نتیجه سیده ، ایککی کیشی پنجوایی اولوسوالیگیده ، و 18 کیشی هم قندهار شهریده یره لنگنلر.

رسمی لرنینگ ایتیشیچه ، بوگون قندهار شهری نینگ بوتون ، دوکان لری و یول لری باغلیق بولگنی اوچون ، یولگه قوییلگن ناراض لیک نمایش لر ، توناون دن کوره ، بیر آز یخشی راق ایکن.

شو نینگ دیک بوگون ، ننگرهار ولایتی نینگ محصل لری ، جلال آباد شهری نینگ درونته منطقه سیده یغیلیب ، امریکالیک کشیش تمانیدن قرآن شریف کویدیریلگنی نی محکوم قیلیب ، کابل – جلال آباد شاه یولی نینگ بیر نیچه ساعت باغلب قویگن ایکن لر.

بو ناراض لیک نمایش لر هم تینچ بیر فضا ده یولگه قوییلگنی ایتیلگن.

اما بعضی گزارش لرنینگ معلوم قیلیشیچه ، مزار شهری نینگ حاضر گی وضعیتی یخشی بولیب ، فقط خوف سیز لیک کوچلری ، شهری نینگ تینچلیگی نی یخشی راق سقله ش اوچون ، بعضی حدود لریده حضور تاپگن لر.

لیکن افغانستان ایچکی ایشلر وزیرلیگی ، بیرلشگن ملت لر تشکیلاتی نینگ مزار شریف شهریده گی نماینده لیگیگه بولگن هجوم نینگ تیکشیریش اوچون ، بلخ ولایتی ده عالی رتبه لی بیر تیکشیروچی هیئت نینگ یوبارگنیدن خبر بیرگن.

عین زمانده ، بلخ ولایتی نینگ مقام لری ، بیرلشگن ملت لر تشکیلاتیده هجوم بولگنیده قولی بولگنیده متهم بولگن ، 27 کیشی نینگ اوشله ب آلگنی دن خبر بیرگن لر.

باشقه تماندن ، افغانستان حکومتی رسمیلری ، مزار شریف و قندهار حادثه لری نینگ یوز بیریشیگه ، طالبان گروهی نینگ قول لری بارلیگی نی ادعا قیلگن لر لیکن مذکور ادعا لر طالبان تمانیدن رد ایتیلگن.