باش قاره لاوچی: ملی کینگاش ، مینی چقیریشده صلاحیتی یوق

Image caption الکو جنابلری ، اونینگ استیضاح بولیشی قانونی ایمس

افغانستان باش قاره لاوچی سی محمد اسحق الکو ، ملی کینگاش ده بوگون جواب بیریش اوچون مذکور مجلسده حاضر بولمه گنی باعث ، ملت وکیل لرمابینیده ، ایسیق بحث لرگه سبب بولیب نتیجه ده اونینگ استیضاح گه چقیریش اوچون قرار آلدیلر.

الکو جنابلری نینگ عالی مجلسده استیضاح گه چقیریشی شونده ی بیر حالده تصمیم آلیندی کیم ، او ملی کینگاش تمانیدن استجوابده چقیریلیشی گه منفی جواب بیریب ، مجلسده حاضر بولمه دی.

هرچند ، باش قاره لاوچی ، ملی کنگاش تمانیدن ، قانون نینگ ایاق آستیگه قیلیش همده سیلاولر ایش لریده اره لشیشی اوچون متهم تانیلگن لیکن الکو جنابلری ، ملی کینگاش ، قانونی مشروعیتی یوق لیگیگه تاکید قیلیب ، مذکور کینگاشده حاضر بولمس لیگی نی ایتگن.

مملکت باش قاره لاوچی سی ، ملی کینگاش تمانیدن ، سیلاولر مسئله سی گه اره لشیشی حقیده ، جواب بیریش اوچون چقیریلگن ایدی لیکن او بوگون کی جلسه ده حضور تاپمه ی بیر مکتوب آرقه لی ملی کینگاش ده کیلمه سلیگی نی بیان ایتگن.

باش قاره لاوچی یوبارگن مکتوبی نینگ معلوم قیلیشیچه ، افغانستان باش قانونی گه ماس ، مملکت پارلمانی ، باش قاره لاوچی نینگ اسیتیضاح ده چقیریش ویا صلاحیت لری نینگ آلیشیگه هیچ قنده ی قانونی صلاحیتی یوق شو دلیل باعث او ملی کینگاش جلسه سیده حضور تاپمه گن.

ملی کینگاش اعضا لری بو مسئله خصوصیده کوپ گینه بحث لر یولگه قویگن دن کیین ، باش قاره لاوچی کیله سی شنبه کونیده ، استیضاح گه چقیریلیشی اوچون ، رأی بیردیلر.

ملی کینگاش باشلیغی عبدالروف ابراهیمی بو خصوصده مجلس قراری نی بونده ی بیان ایتدی.

" تأسف بیلن او، " باش قاره لاوچی محمد اسحاق الکو" ملت نینگ اراده سی و تصمیمیگه که شو ییردن هم اعتماد رأی نی آلگن ایدی ، هیچ قنده ی کوز قره تمه گن. ینه هم متأسف میز. شنبه کونیده ، باش قاره لاوچی نینگ استیضاح گه دعوت قیله میز ، شنبه کونی گه چه ، اوچ اختصاصی کمیسیون ، استیضاح گه دعوت قیلیش دلیل لری نینگ تیار قیلسین لر."

هرچند ، افغانستان ملی کینگاشی بوگون ، باش قاره لاوچی نینگ ، استیضاح قیلیشیگه قرار آلدی لر لیکن ، بو که الکو جنابلری ، کیله سی شنبه کونیده ، عالی مجلس نینگ مذکور قراریگه کوز قره ته می یا قره تمه یدی حاضر گه چه انیق بولمه گن.

Image caption ملی کینگاش اعضا لری هم ، سیلاولر ده باغلیق مسئله لر ، سیلاولر کمیسیون لریدن تشقری نهاد لر اره لشیشی نینگ قانون سیز دیب بیله دیلر.

شونده ی بیرحالده ، افغانستان پارلمانی سیلاولری توگه یشی بیلن ، مملکت باش قاره لاوچی اداره سی ، سیلاولر ایش لریده اره لشیب ، مذکور سیلاولرگه باغلیق اونلب ، قلاب کار لیک دوسیه لرنی تیکشیریب ، سیلاولر نینگ مشروع سیز دیب اعلام ایتدی.

خود شو مسئله باعث ، مملکت عالی محکمه سی ، جمهور رییس کرزی تایید بیلن ، سیلاولر قلاب کارلیگی نینگ تیکشیریش مقصدیده ، خاص محکمه ایجاد ایتیب ، اوشبو محکمه حاضر گه قدر سیلاولر نینگ قلاب کارلیگی خصوصیده ، نهایی قراری نی اعلام ایتمه گن.

باشقه تماندن ، افغانستان ملی کینگاش اعضالری هم ، مخصوص محکمه نینگ بیکار ایتیلیشی اوچون ، نیچه مرته جمهور رییس کرزی بیلن اوچره شیب ، لیکن کرزی بو مسئله اونینگ صلاحیت لریدن ایمس لیگیگه تاکید قیلگن.

افغانستان حکومتی ، همده پارلمانی نینگ آره سیده تاپیلگن نیچه آی لیک جنجللر حاضر هم دوام ایتماقده و هر تمان اوزی نینگ برحق دیشیب باشقه تمان نینگ قانون سیز دیب ادعا قیله دی.

بو حالتده قرگنده ، اورته گه چیقگن مذکور معما قنده ی حل بولیشی خصوصیده هم هیچ بیر تماندن ، انیق بیر سوز یوریتیلمه گن.